10MAR2017_FRI 嘩.....尋晚秒速訓著後終於都回魂，希望我無嘈到個FRD LA...今日唔使早起，只係係CAMBRIDGE HEA下~ 都成11點先出門，食左WASABI，呢度食野成日都係外賣平一兩鎊，我揀左3文魚SUSHI，都麻麻，但佢一盒盒D飯係OK的，有時我會獎勵下自己就食個CURRY RICE。 之後去左主要D COLLEGE，同埋Punting~其實一直以黎經常比人sell我punting，知道10鎊係最平，我地同一個女仔講價，我話如果佢平過10鎊我地就幫襯，結果9鎊成交。 因為我唔係幫襯最大個間公司，所以條船細d，一行坐2個人，無毛毯提供，但好彩我地坐係船伕前面個位，可以影到佢，同埋對面個韓國人好好，不厭其煩咁幫我地影相(可能內心cursing)一上船 船伕就開始講下歷史，經過trinity college時，就必須一提王儲Prince Charles，即係威廉王子個呀爸，佢老婆係戴安娜，查理斯性格出名固執同蠢，佢去牛津讀大學畢唔到業，結果去到劍橋，又係讀左好多年，最後伺候佢ge隨從double major都早過佢畢業，有人話佢有強迫症，連鞋帶都要燙，牙膏要擠到最後一滴。 經過st john s college時，船伕就話呢個學院其實已經窮到燶，但仲成日同trinity college鬥，trinity最有錢，經濟來源好多時都係校加友捐獻，有最多出名校友，例如:牛頓, 扣哲理russel, 小熊維尼作者，新加坡李顯龍等等，佢正門口有棵蘋果園，好多人影相，不過係唔係真正個棵就唔知啦~ 以前d學生可能太少娛樂，所以佢地好中意爬樹/爬塔，仲勁到出埋書，寫低全部學院建築物d爬法，一到聖誕，佢地就將d聖誕帽掛上一支支柱上面，仲有個學生將trinity college正門口個雕像本來手執的權仗換左做木椅腳，到到而家都係度。 我唔肯定船伕係唔係學生，不過見佢都要好用力先撐到全船人，都係辛苦錢，佢仲識得唸再別康橋。而有d橋係好矮的，佢扮晒野慘叫仲整d出撞到ge聲，嚇到我地以為佢真係撞親。。。而且去到唔同橋時佢會轉360度，等大家都影到相。 我見到有唔少人包左條船自己撐，但好似好難，而且應該好累，我覺得比得錢就緊係舒舒服服欣賞下景色啦~~~加上第一次以一個咁低角度欣賞呢4個college，又可以同d鴨仔天鵝好親近，我覺得都好值得。 punting完就去左fitzwilliam museum，一個劍橋內最值得睇的museum，睇完就去左公園玩~~~~已經第2次去公園~成日玩個個超大千秋，兩個一齊攤係度~ 個日仲識左一對夫妻，傾左好耐~~~~ 夜晚食英國名菜nandos lol.......連個frd都覺得mash potato好食~夜晚再一齊去行街街~ 聽日又要早起出城，去london3日.
