8MAR2017_WED 我實在寫得太慢，一跳就跳到3月先....2017年3月8係我31歲生日，亦係第一個無親人或老公陪的生日，不過有香港朋友仔會由香港黎搵我.......真係好彩^^ 3月7日下午我CHECK信箱，已經收到一份生日禮物，係一本英文譯本，由村上春樹寫的BIRTHDAY STORIES。一心以為係學校送的，因為由英國寄出，直到研究左一輪先發現係有RECEIPT寫港幣。。。最後發現係我家姐寄比我的，又驚又喜，之後去親HIGH TEA或者去公園都會帶去，但睇左好少，可能到畢業都未睇完。 3月8個朝已經好多同學係GROUP同我講生日快樂，之後上堂時又唱生日歌同埋要戴一個粉紅色BIRTHDAY GIRL PIN，我後來係街度都見過一個女仔戴住，可能係呢度傳統。 同學比我張生日卡有一樣野寫得幾好，佢話HOPE I BE PROUD OF WHO I HAVE BECOME......我成為了一個點GE人呢? 其實我每日一有時間，或者臨訓時我都會問自己: 真正的我係點架? 我有無做緊真正的自己? 要記得忠於自己呀崔小姐!!!! 之後LUNCH時我揀左我最想食的飯去食，因為係呢度，食飯係一種懷念家鄉的活動。 食完飯再上堂，到到3點我就走先啦~~~~因為我要去火車站接我朋友^^ 佢一早8點已經落機，搭火車黎劍橋~一見到面發現同兩個月前我臨走時一樣，只係地點唔同左。佢話今次係佢去得最遠地方的一次，我自己計下，英國對比起我之前去的歐洲澳洲城市的確係最遠，我亦係最遠的一次~ 好快放低行李去我宿舍，之後我地就去9遊~~~一開始不停地講野同講野，講下英國風土人情衣食住行，主要都係讚多過彈，因為香港真係好悶。之後去到市中心就超好天，大大舊雲朵，去晒個4大COLLEGE，最後仲食左生日蛋糕仔，許左願，夜晚食西餐。 返到宿舍，臨訓問左一堆以前想問又無問GE野~傾到好夜好夜.... 第二朝仲要早車去OXFORD............XD
