去迪士尼當然亦係妹豬仔同男朋友呢趟東京旅行嘅行程之一，我哋早餐喺酒店食咗麵包就出發搭車~當日我哋冇去到迪士尼海洋，只係留喺迪士尼樂園呢邊，玩下、食下、玩下、食下，就咁過咗一日~就等妹豬仔推介一下當日食過嘅迪士尼美食啦！◆ [三眼仔麻糬 Little Green Dumplings] (¥360) 係三眼仔造型嘅麻糬，用嚟打卡真係滿分！驚喜嘅係原來係凍，唔係暖/常溫。外皮煙韌Q彈，啱晒我呢個煙韌控！ 而內裡原來係雪糕，三粒麻糬為三種唔同口味嘅雪糕，分別係：士多啤梨、朱古力、吉士。感覺就好似食緊好煙韌嘅雪糕糯米糍咁～好味！朱古力味： 吉士味： ◆ [煙燻火雞腿] (¥800) 睇遊行表演之前食咗個好簡單嘅lunch——就係食呢個經典嘅迪士尼必食小食！ 呢個火雞腿超大隻，煙燻味濃郁，而且肉質比想像中嫩滑。當日天氣幾凍加上肚餓，令呢隻熱辣辣又juicy嘅火雞腿更加美味。雖然火雞腿入面有好多筋，食起上嚟比較麻煩，但真係幾好食嘅～ 食完[煙燻火雞腿]都唔夠飽，所以睇完遊行表演之後就去食迪士尼漢堡！ ◆ [米奇漢堡，套餐set ] (¥990) 跟餐仲包括：炸薯條、汽水。米奇造型嘅漢堡包超可愛，用嚟打卡的確唔錯！而且塊牛肉竟然係好嫩好juicy，好好食。炸薯條就嘛嘛哋，唔夠熱同比較dry。 ◆ [雙層芝士漢堡，套餐set ] (¥1,170) 同樣跟餐包括：炸薯條、汽水。只係漢堡包冇咗米奇造型，但牛肉都係咁嫩咁juicy，炸薯條都係嘛嘛哋。 ◤妹豬仔◢： 呢啲迪士尼美食味道唔錯之餘，有啲造型仲好可愛，非常「打卡able」！當日天氣唔算好好，但好彩並冇落雨，我哋玩咗好多機動遊戲，亦睇咗日間同夜間嘅遊行表演，仲有煙花表演，玩得非常盡興而滿足！點擊圖片放大 +6 ○○○○○東京迪士尼樂園日本千葉県浦安市舞浜1番地1○○○○○*本網誌文章純屬個人意見或經驗分享，僅供參考～♥ 歡迎試食/產品推薦/合作機會，請聯絡：Email: muichujaifoodie523@gmail.com↓↓ 即刻Like & Follow「妹豬仔」其他channel ↓↓Muichu.jai： Instagram | Facebook | OpenRice | 大眾點評
