C+搵食團 || 走進意大利既花花世界 - 【荃灣】Vision 8 -- ⌞ms.C⌟ 既朋友遍布港九世界 今次黎到荃灣 探朋友之餘 順便黎個跨區搵食 -- 荃灣其實係一個幾多野食 中、西、日、韓既菜都有 之前就試過荃灣既韓國野 -- 今次搵食團就黎到荃灣 食好西 黎返晚閨蜜飯局 -- Vision 8 既位置都算易搵到 因為好近荃灣地標千色店 我諗荃灣人都知道千色店喺邊掛 -- 餐廳主打意大利菜西餐廳 我地平日食飯時間 到幾full下 都要等一陣先有位 -- 面積唔算好大 大約40個位左右 我地安排坐左係最入面既枱 隔離有成輻花花牆係度 等 ⌞ms.C⌟ 可以自拍玩一餐 -- Vision 8 餐廳細細 Menu 都有幾多選擇 有小食、自家製Pizza、意粉、牛扒和生蠔等 仲有酒飲 -- 飲品篇 Vision 8 有提供酒精飲品 不過 ⌞ms.C⌟ 第2日有Event 要去 所以只能保持清醒 所以就Order 左 Vision 8 既 Summer Drinks 就係以果汁為主 冇酒精家 -- \\ Mangocello（左） 入面係新鮮芒果沙冰 + O.J. -- 另一杯係 \\ V8 Fruit Punch（右） 係菠蘿汁 + O.J. -- 兩杯味道都係以果汁為主 唔會太甜 酸酸甜甜咁晒夏天熱辣辣既時候飲 -- 前菜篇 \\ 焗厚切香草蒜蓉包（4件）- $38 金黃色既「厚法包」有成寸厚 好香香草蒜蓉 個包咬落「索索」聲 但唔會烘到太乾 用黎做餐前小食一流 -- \\ 意式凱撒沙律配煙三文魚 - $118 Vision 8 既凱撒沙律 可以選配煙三文魚 / 燒雞 / 風乾火腿 單睇賣相已經唔同一般餐廳既沙律 擺位都有心思 有煙三文魚既玫瑰 唔係求其放係面就算 -- 上枱果時已經夠晒醬汁 唔使問餐廳再加 -- 主菜篇 \\ 炸虎蝦配蒜香欖油什菜扁意大利粉 - $128 ⌞ms.C⌟ 食炒既扁意大利粉 最怕食到油淋淋 Vision 8 整既扁意大利粉唔會食到成口油 -- 而且虎蝦唔會炸到好厚粉 仲食得到蝦既鮮味 & 彈牙 -- \\ 香煎帶子配菠菜忌廉汁意大利粉 - $138 勁大粒 & 厚既帶子 鮮甜新鮮冇雪味 -- 忌廉味幾重 菠菜忌廉汁濃稠度剛好 剛好可以掛汁意大利粉 -- \\ 【必點】扒厚切美國極黑安格斯肉眼扒 - $298 真係堅厚切 估唔到係呢d街坊小店都有咁厚切既扒 肉眼估計都有成寸厚 -- 朋友唔食太生既肉 我地叫七成熟 -- 不過食落就唔會太乾 肉汁豐富 ⌞ms.C⌟ 就最鍾意食邊邊果d 油脂位 雖然係肥 不過牛脂肪既甘香出晒黎 -- 配菜都好正 又係誠意之作 配菜唔係普通炸薯角 而係忌廉焗薯 食到一粒粒既薯仔 好滑 & Creamy -- Vision 8 || 荃灣兆和街34號榮安樓地舖 -- | ms.C+ Makeup Space | x | 講女‧C生活 | ♧ 80′s 後 X 100%土生土長水瓶港女；隨心講，隨心寫 ♤ 唯美派棉花糖女系；愛玩、愛食、愛扮靚 ♧ 身兼多職 - Blogger + Makeup Artist + OL ♤ 歡迎不同合作機會（試用 / 出席活動） ✉mscammy.w@gmail.com -- ms.C+ makeup space 專頁：https://www.facebook.com/ms.cmakeupspace Instagram: https://instagram.com/ms.cmakeupspace/ -- ms.C其他網誌: http://mscmakeupspace.blogspot.hk/ http://blogs.elle.com.hk/mscammy/ https://blog.ulifestyle.com.hk/blogger/mscammy/ http://www.beautyexchange.com.hk/blog/mscammy http://beauty.qooza.hk/u/mscammy/shares http://blog.she.com/mscammy/ http://mscammy.theztyle.com http://trial.itrial.hk/user/mscammy http://www.weshare.hk/mscammy/ http://mscammy.pixnet.net/blog http://style-tips.com/blog/mscammy
