C+搵食團 || 食盡小巷盡頭的西班牙熱情 - 【中環】La Postre 呢排玩開Pokemon Go 行多左唔少街 認識返好多社區既唔同地標 -- 至於係中上環入面 都有唔少著名地標 其中九如方 一個識搵食既搵食兵 點都聽過或者去過既地方 -- 九如坊以前 同附近的安和里都叫做二奶巷 至於咩係二奶巷 你懂的？ -- 以前男人就去九如坊搵佢地既「菜」 依家係九如坊就搵唔到二奶既蹤影 食肆就開到成行成市 今次C+搵食團就去九如坊搵屬於我地既「菜」 食盡小巷盡頭的西班牙熱情 - La Postre -- La Postre位於既九如坊 如果唔係熟路既人 可能會較難搵到 係上環MTR行上去都 慢慢行15mins左右「必到」 -- 一條小巷入面 有唔同國家的菜 La Postre 隔離既食店都係 La 字頭家 唔好入錯鋪呀！ -- La Postre 既裝修主要都係用深色既木系為主 用上黃燈 感覺有少少Raw Feel -- 半開放式既廚房 邊煮邊聞到香氣 未食先肚餓 -- 友人'sss 之前黎過La Postre 知道餐廳有個小閣樓 打造一個較為私隱既地方 所以我地一行幾人 就請餐廳安排 我地去閣樓坐 P.S 費時嘈到餐廳其他客 XD -- 由地鐵站上黎 行到熱辣辣 Happy Friday 當然要「飲返杯冰凍啤酒」 -- { Drinks || 飲品篇 } 食西餐好多時都會飲酒 La Postre 除左有一般紅、白酒 Cocktail、Mocktail外 -- 依家潮飲手工啤酒 一段餐廳多數提供5、6種已經算多 La Postre 唔只有 仲要係超多有成20+款 -- 對於有選擇困難症既 ⌞ms.C⌟ 有少少困難 最終綜合左服務員既建議 選左款好特別既海鹽味 -- Er Boqueron $70 / bottle 平時飲既啤酒 多數都係果味、麥味、木香味等 今次揀既就有海鹽味 -- 因為用位於地中海深層海水釀制 所以飲落有少少鹹味 酒精含量都唔算太高得 4.8% -- 雖然係用海水釀制 但唔會有好明顯味 只係嗒落果時有少少鹹 唔會太過搶味 反而有少少鹹鹹地 引出緊加香既麥味 -- Menu 建議配對 西班牙小吃、生蠔、海鮮、魚 淨飲都OK -- Happy Hour 先黎一枝小酌 之後食食下飯 友人'sss飲得興起 追酒飲 再黎一個重量級 【多人必點】 Sangria w. Red Wine || 西班牙冰鎮水果酒 - $88 / Glass OR $298 / Jar 冰鎮既鮮果底 加上紅酒 -- 鮮果混合左紅酒 紅酒加上果香 酒味唔會太重 反而有少少變左利賓納咁既味道 酸酸甜甜咁 不知不覺又飲多幾杯 -- { Tapas || 小食篇 } Happy Hour 時間飲下啤酒 當然要叫d小食佐下酒 雞翼係送酒最好既Partner -- Honey Lemon Chicken Wings || 蜂蜜檸檬單骨雞翼 $108 --- 味道酸酸甜甜 好開胃 而且餐廳好細心將雞翼開邊 變成單骨 一口一支 方便食 就算落手食 -- Honeydrew Melon w. Jamon || 蜜瓜黑毛豬 $198 食西班牙菜 當然唔少得既Melon & Ham 呢個配搭喇 -- 原條蜜瓜配上黑毛豬火腿 火腿鹹香味加埋蜜瓜甜味 好正 -- 特別配埋我支鹹味啤酒 Perfect Match！ -- Cheese Egg Roll w. Caviar || 黑魚籽芝士蛋卷 $138 又係蛋怪既出現喇 蛋卷煎得有返咁上下厚度 質感Keep住鬆軟濕潤 唔會太乾 -- 配上芝士 + 黑魚籽食 入口有芝士既香味 仲有粒粒卜卜響既魚籽 -- 又係芝士系列 Crab Cake || 芝士焗蟹餅 $168 類似焗蛋餅之一 入面有原隻蟹鉗 上枱成個太陽咁 -- 食落蛋餅唔會太乾 加入芝士 & 蛋 混埋蟹肉既香味 用黎佐酒一流 -- { Main Course || 主菜篇 } 【必食】Paella de Mariscos (Valencia) 西班牙海鮮飯 $268 for 2 person / $468 for 4 person 西班牙海鮮飯 又叫做西班牙大鍋飯 最好就係一大班朋友Gathering果時食 一大鑊一齊食 -- 雖然我地叫既係二人前 想住可以留返Quota食其他野 不過無論飯 / 海鮮份量都好多 有蝦+兩款青口+蜆肉等等既海鮮 實物同圖片都相乎 -- 紅色既飯粒香料味重 同時吸收左好香既海鮮湯味 唔似一般街外「爛飯」既口感 食得出飯粒既有層次既煙韌感 中間位置仲保持硬硬地口感 -- Roasted Suckling Baby Pig || 西班牙焗乳豬件 - $ 398 乳豬件碎上 切到細細粒 脆卜卜脆皮 同中國乳豬件唔同 肉同皮之間唔會有太多肥膏 外脆內嫩 配上蜜糖 & 燒烤汁食 兩個汁都係甜甜地 食多兩件都唔怕滯住 -- Mussles w. Garlic in White Wine Sauce || 香蒜白酒青口 - $178 成班酒鬼 飲酒都唔敢 仲要黎多個香蒜白酒青口 -- 配上金黃色既脆卜卜蒜香多士 青口鮮甜 配上濃香蒜蓉及白酒 更加帶出青口鮮味 -- 個白酒汁酒味幾重 加埋青口既鮮味 又變成一個湯底 -- La Postre既甜品都比較多選擇 記住要留肚食甜品 -- { Dessert || 甜品篇 } Mexico Spicy Mochi Waffle || 墨西哥香辣麻糬窩夫 $78 (Half) / $98 (Full) 平日甜 & 鹹既窩夫食得多 辣既窩夫都係第一見 -- 香辣麻糬窩夫 唔簡止只係窩夫外面就咁加辣椒粉 窩夫入面都混合左青BB既墨西哥辣椒 -- 仲有加入左QQ既麻糬 gimmick 十足 -- ⌞ms.C⌟ 唔太食辣既人 就只係試左少少 都幾香辣下 完全唔食辣既人 慎重考慮！！ -- Mochi Mille Feuille || 麻糬拿破崙 $88 牛油味香 + 鬆化既拿破崙 配上QQ既麻糬 一軟一脆 口感層次好豐富 -- 吉士配上新鮮水果 唔會太甜 -- Lady Earl Grey Creme Brulee || 伯爵茶焦糖燉蛋 $59 蛋怪再次出動 茶味既Creme Brulee ⌞ms.C⌟ 覺得係一個幾難整得好吃既甜品 茶 & 蛋既味道比例、火侯問題都較難控制 -- 今次La Postre就完美演繹 伯爵茶 & 焦糖燉蛋個配合 呢個甜品唔會太甜 -- 茶 & 蛋味道配合剛好 食到茶既香味之外 仲食得到蛋香味 果Creme Brulee仲係滑Dodo 唔會過花太老 -- 又酒又肉 又甜品 今次真係飲飽又食醉 捧住Happy Belly 回家去 -- La Postre || 上環九如坊12號地舖 -- P.S La Postre 同名既餐廳有兩間 記住約朋友時 講清楚邊間 -- | ms.C+ Makeup Space | x | 講女‧C生活 | ♧ 80′s 後 X 100%土生土長水瓶港女；隨心講，隨心寫 ♤ 唯美派棉花糖女系；愛玩、愛食、愛扮靚 ♧ 身兼多職 - Blogger + Makeup Artist + OL ♤ 歡迎不同合作機會（試用 / 出席活動） ✉mscammy.w@gmail.com -- ms.C+ makeup space 專頁：https://www.facebook.com/ms.cmakeupspace Instagram: https://instagram.com/ms.cmakeupspace/ -- ms.C其他網誌: http://mscmakeupspace.blogspot.hk/ http://blogs.elle.com.hk/mscammy/ https://blog.ulifestyle.com.hk/blogger/mscammy/ http://www.beautyexchange.com.hk/blog/mscammy http://beauty.qooza.hk/u/mscammy/shares http://blog.she.com/mscammy/ http://mscammy.theztyle.com http://trial.itrial.hk/user/mscammy http://www.weshare.hk/mscammy/ http://mscammy.pixnet.net/blog http://style-tips.com/blog/mscammy --
