C+搵食團 || 尋回那些年兒時玩意情懷 - 【觀塘】開餐達人 最近大台劇 講九龍城寨 有唔少舊香港情懷小玩意 相信好多年輕人都未經歷過 -- 要體驗舊香港情懷 以前可能一定要去博物館感受 不過依家可以多一個選擇喇 【觀塘】開餐達人 -- 開餐達人以懷舊香港做主題既餐廳 唔同既用餐時段 午市、下午茶、晚市會提供唔同食物主題 啱晒香港轉得快既餐廳潮流 要食晒成間餐廳既出問 就要分3果時段黎幫襯喇 -- 今次ms.C就同友人'sss幫襯晚市市段 真係估唔到既 晚市竟然係任飲任食火窩 （平日：$158 / per + 10%) -- ms.C呢個邊爐控 都係第一次係Cafe打邊爐 無論環境 / 食物 都帶黎唔少意外驚喜 -- 開餐達人既位置都係係工廈入面 不過入到間工廈有少少迷路 好彩都有d指示點行 -- 入到餐廳入面同出面有好大既反差 即時時光倒流去返前 搵到好多久遺了既兒時小玩意 發泡膠飛機、厚PatPat既電視機、 波子棋、飛行棋等等 老香港情懷 一一呈現眼前 勾起好多兒時回憶 -- 用上唔怕打爛既膠餐具 顏色勁吸引 枱面仲有棋紙做裝修 玩味一流 -- 講返野食即 Cafe打邊爐會有咩食？ -- 開餐達人咁特別既地方 當然湯底都有d唔同喇 佢地呢度既任食邊爐 叫做三「王」一「后」 -- 三「王」就係係四款特色湯底入面選三款 平時邊爐最多都係鴛鴦湯底 呢到就可以特別地叫 用上「三格格」既窩 有3款湯底可以食 一次過滿足三款口味 -- 其中一款固定必選九州豬骨濃湯 + 清湯牛魔王 / 韓國海鮮海龍王 / 重慶辣雞王（三選二） -- 我地就叫左 必選九州豬骨濃湯 + 韓國海鮮海龍王+ 重慶辣雞王 -- 豬骨濃湯百搭湯底 唔使點特別介紹 唔會太過鹹 -- 韓國海鮮海龍王（微辣） 有少少似龍蝦湯既味道 湯底入面有青口等配料 ms.C覺得用黎灼肉最好味 -- 最後就係重慶辣雞王 因為ms.C唔食辣 所以都係男友 & 朋友食 佢地話唔夠出面雞煲惹味 -- 飲品就有基本既罐裝汽水 仲有兩款果汁 -- 叫完湯底就當然叫野食喇 野食都算多選擇 一張紙睇晒有咩食 -- 有基本既肉肉、特式丸類、同蔬菜 D野黎齊就「烚」喇喂 -- 我地呢D食肉獸當然要叫肉肉喇 既都係基本既牛肉、豚肉、雞肉 -- 呢到餐廳既肉類 都拍得住出面其他地方 叫左幾轉美國牛肉 都Keep住新鮮 望落紅噹噹 肉&脂肪分明 -- 豚肉就較為特別 烚完出黎 出奇地好滑 完全冇冰鮮味 -- 其他肉肉 & 海鮮都好新鮮 一碟四格 慳好多位 -- 嚮鈴、炸魚皮 仍然新鮮脆口 冇漏氣 -- 丸類都有好特別 有部份特別注明係台灣既丸丸 其中最特別有台灣Minion 芝心包 -- 有可愛既Minion係上面 芝心都好香 唔捨得將佢地放入口 P.S 小心流心辣口 -- 用大碗上既雜丸 完全溶晒冰先上 好過好多任飲任食質素 -- （前到後：台灣咖哩丸、黑松露丸、 牛丸、墨魚丸） -- 墨魚丸都好正 食到有墨魚肉 唔係得舊粉 -- P.S D丸可以逐粒叫 咁就可以試多幾款喇 -- 食晒D肉 & 丸都未夠飽既 可以再叫拉面、烏冬 用黎配韓國海鮮海龍王 味道好香 煙煙韌韌 -- 最後當然仲有甜品食喇 有3款雪糕選擇 不過可能我地太夜了 食唔到九龍城原味雲尼拿雪糕 咁叫左台灣朱古力味雪糕 & 韓國豆腐味雪糕 -- 上枱一大個雪到勁硬既波波 朱古力味濃 唔會太甜 -- 以豆腐味雪糕就好清 味道似似豆腐花既味 -- 因為粒雪糕波波太冰既關係 要好耐先溶 可以慢慢歎 -- P.S 開餐達人既Menu都好得意 用「新聞紙」黎做設計 入面除左有介紹有咩食之外 仲有介紹好多兒時既小遊戲 例如「天下太平」、「跳橡筋繩」、「007 入子彈」等等 可以問下服務員拎份睇下 懷緬下那些年！ -- 今次打邊爐 叫到成枱都係野食 冇地方可以玩到兒時既下小遊戲 等再約個時間 再同朋友黎食Tea先 -- 開餐達人 || 觀塘開源道47號凱源工業大廈1樓B室 -- | ms.C+ Makeup Space | x | 講女‧C生活 | ♧ 80′s 後 X 100%土生土長水瓶港女；隨心講，隨心寫 ♤ 唯美派棉花糖女系；愛玩、愛食、愛扮靚 ♧ 身兼多職 - Blogger + Makeup Artist + OL ♤ 歡迎不同合作機會（試用 / 出席活動） ✉mscammy.w@gmail.com -- ms.C+ makeup space 專頁：https://www.facebook.com/ms.cmakeupspace Instagram: https://instagram.com/ms.cmakeupspace/ -- ms.C其他網誌: http://mscmakeupspace.blogspot.hk/ http://blogs.elle.com.hk/mscammy/ https://blog.ulifestyle.com.hk/blogger/mscammy/ http://www.beautyexchange.com.hk/blog/mscammy http://beauty.qooza.hk/u/mscammy/shares http://blog.she.com/mscammy/ http://mscammy.theztyle.com http://trial.itrial.hk/user/mscammy http://www.weshare.hk/mscammy/ http://mscammy.pixnet.net/blog http://style-tips.com/blog/mscammy --
