C+搵食團 || 石屎森林中既寧靜綠洲 - 【觀塘】I's Land Cafe 又黎觀塘開餐喇 老實講觀塘工廈Cafe 開到成行成市 -- 以駱駝漆大廈入面做例子 都至少有多過5間Cafe 所以CAFE都會有D特式野 去吸引人流 -- 又係ms.C同友人'sss 傾計吹水既日子 我地就約左去駱駝漆大廈入面既 I's Land Cafe -- 駱駝漆大廈入面 有好多cafe 今次去既I's Land Cafe 就係一間特式Cafe -- 平時多數Cafe 地方都會較少 而空間都會較窄 如果隔離枱嘈D既 都聽唔到自己FD講乜 -- 相反I's Land Cafe 就完全沒有呢樣問題 利用左工廈優點 樓底高、空間大 打造了一個石屎森林既寧靜綠洲 -- 由於工廈空間大 枱與枱之間 留有好多好空間 唔會太過迫夾 就算我地去果日差唔多Full House 都唔會話太嘈 啱晒我地幾個傾下計 -- 而且用上田園系既裝修 用上好多花花草草 木系裝飾 打造一個石屎森林中既綠洲 平時對得電腦或者文件多 係工餘時間 望多d綠色野 等對眼可以Relax下 -- 仲有2間唔同既房 用上秋天 & 春天主題 一餐飯可以經歷四季既綠洲 -- 仲有一排對街既單邊窗口位 可以一個人既時候 都可以享受下 -- 我地大約7:00上去到 起初都唔係太多人 -- Set Dinner 有7款選擇 以Pata & 肉內為主 配有是日餐湯 & 飲品 唔算有太多選擇 價錢由$158 - $248 -- 飲品就包基本既野 如果想飲特式野可以補 -- P.S 餐廳會定時轉Menu 若果想知呢排Menu係咩 可以去既時侯打去問下 -- 最後我地Order左2個小食 + 2 個Set Dinner -- Drinks Menu 去Cafe咖啡、梳打、沙冰 呢d都係基本野 -- I's Land Cafe 配合返餐廳綠色花園主題 竟然有超過15款花茶提供 仲有列明每款花茶有咩功效 各位絲打可以自己「對號入座」 揀啱你自己杯茶 -- ms.C Order左 平時較少見到既 「蘋果花茶」（單點$48） Menu 寫住可以增強活力 & 美白抗氧化 玻璃壺配上花花杯 開頭飲落都幾甘下 不過飲慣左就覺得甘中帶微甜 -- 小食篇 先黎左2個小食 加拿大&美國生蠔(4件) $88 D蠔唔算太大隻 不過都尚算新鮮 呢個價錢可以食得到4隻蠔 可以接受喇 -- 韓式炸雞 美式薯條配黑松露酸忌廉醬 $55 粗薯條炸得好脆口 點埋黑松露酸忌廉醬 好香黑松露既香味 配埋酸忌廉醬食 酸咪咪咁 好快就比ms.C KO左 -- 而主角炸雞食唔到有幾韓式 不過雞既外皮炸到好香口 而入面既雞仲有肉汁 嫩嫩肉咁 加返d分喇 -- Set Dinner Set Dinner 係連餐湯 不過餐湯得一款冇得選擇 -- 蘑菇忌廉湯 飲得出粒粒蘑菇肉 不過就較為稠身 少少糊仔Feel -- 相反跟湯既蒜蓉包 反而更加吸引 蒜蓉好香味好香 唔會太油 烤到成塊金黃 一D焦邊都冇 咬落脆卜卜 -- ms.C同友人'sss都係肉肉獸 主菜我地叫左 兩個都係肉肉 -- 招牌燒德國鹹豬手 $178 大過我個頭既德國鹹豬手 係ms.C其中一個最愛既肉肉 鹹豬手味道唔會太鹹 外面炸到脆卜卜既豬皮 內層又油勁QQ既脂肪 雖然好肥 不過唔理咁多食左先講 -- 分開左之後 大大舊肉肉 爽呀！ -- 窄身厚切美國頂級肉眼伴燒鵝肝$228 又係ms.C最鍾意既鵝肝呀 鵝肝煎得香 油香一入口就流晒出黎 -- 塊肉眼就有成隻手掌咁大 唔係Hea貨貨式 肉汁好多 -- 最驚喜係我地叫左7成熟 出到黎真係做得到 唔係求其整 -- P.S 最特別就係兩款Main Course配菜 除左有蔬菜之外 仲有我紫薯薯蓉 食落好清甜 可以配埋肉肉食 有畫龍點睛既作用 -- I's Land Cafe都有甜品供應家 不過友人'sss要減肥 所以冇試到 下次有機會再黎試過甜品 & Tea Set -- ms.C同友人'sss 食餐飯吹下水 就咁又一晚 心靈&眼球都可以Relax下 輕鬆D喇香港人 -- I's Land Cafe || 觀塘開源道62號駱駝漆大廈1座6樓A舖 -- | ms.C+ Makeup Space | x | 講女‧C生活 | ♧ 80′s 後 X 100%土生土長水瓶港女；隨心講，隨心寫 ♤ 唯美派棉花糖女系；愛玩、愛食、愛扮靚 ♧ 身兼多職 - Blogger + Makeup Artist + OL ♤ 歡迎不同合作機會（試用 / 出席活動） ✉mscammy.w@gmail.com -- ms.C+ makeup space 專頁：https://www.facebook.com/ms.cmakeupspace Instagram: https://instagram.com/ms.cmakeupspace/ -- ms.C其他網誌: http://mscmakeupspace.blogspot.hk/ http://blogs.elle.com.hk/mscammy/ https://blog.ulifestyle.com.hk/blogger/mscammy/ http://www.beautyexchange.com.hk/blog/mscammy http://beauty.qooza.hk/u/mscammy/shares http://blog.she.com/mscammy/ http://mscammy.theztyle.com http://trial.itrial.hk/user/mscammy http://www.weshare.hk/mscammy/ http://mscammy.pixnet.net/blog http://style-tips.com/blog/mscammy --
