C+搵食團 || 一試難忘鮮味蟹煱 - 【土瓜灣】路邊煱 我家小妹有本K2書話 冬天既活動就係打邊爐 -- 以前打邊爐多數都係冬天 不過依家係香港 一年365日都可以打邊爐啦 ms.C就係一個徹徹實實邊爐控 一年四季都會不停打邊爐 最開心就係同一大班友人'sss 大家一齊烚吓烚吓 嘻嘻哈哈又一晚 -- 今次就同左友人去 土瓜灣食路邊煱 -- P.S 路邊煱係有兩間分店家 大家約人果時記住講清邊間分店 記住唔好約錯地方 -- 我地去既就係土瓜灣美景街既分店 門口可以泊車 啱晒D要泊車既朋友 -- 我地第一梯隊搵食兵 大約7:00 左右 時間較早都唔係太多枱食客 不過就越夜越多人 -- 因為有幾個友人要遲D先到 所以我地叫左d小食 邊食邊等 -- 椒鹽魷魚鬚$48 好薄既脆漿 唔會炸到一大舊粉 魷魚唔會炸到乾爸爸 而且1d都唔韌 -- 八味金磚豆腐＄48 都係用上好薄既脆漿 食到外脆內軟感覺 入面既豆腐 仲好嫩滑滑DODO -- 食完小食 等多陣搵食兵齊腳 準備開爐喇 -- 開爐前先混個靚醬 -- 打邊爐最緊要除左個爐之外 就係湯底同配料 -- 有好多款特別既湯底提供 湯底我哋就叫左 招牌雜菌花甲蟹鍋＄400 -- 一煲入面有好多配料 有蟹 & 花甲等海鮮 蟹肉鮮甜仲有好多膏 花甲都好大粒 -- 而且仲有好多蔬菜配料 蕃茄、粟米、菇菇一大煲 -- 而蟹鍋湯底鮮甜 有少少胡椒味 有蕃茄香味之外 仲有海鮮既鮮味 上枱果時餐廳溫馨提示 係未加其他配料之前 可以先品嚐下果湯先-- 打邊爐點可以少得主角牛肉呢 一般既牛肉 依經滿足唔到我地呢D肉肉獸既要求 路邊煱就有牛肉有好多唔同既位置選擇 -- 今次就叫左 手切新鮮本地肥牛併牛頸脊＄288 成碟牛上枱 即刻wow wow 見到D鮮紅既牛肉同油脂 網格分明 -- 本地肥牛 切到好薄 每塊既脂肪同肉比例塊塊差唔多 唔使淥到好熟就食 入口鬆化 -- 而牛頸脊會較多油份 較為有咬口 -- 除左牛肉之外 當然仲有其他唔同配料 -- 響鈴係打邊爐必食 路邊煱有2款唔同即制響鈴 其中一款就係 首創紫菜脆響鈴＄46 去打邊爐食到既響鈴 有時會漏左氣 唔夠脆 -- 路邊煱好特別係炸響鈴入面 加左塊紫菜夾心 咸咸香香咁 好特別 -- 手打四寶丸＄78 四寶丸入面 有墨魚丸、蝦丸、牛丸、豬肉丸 ms.C就最鍾意入面既墨魚丸 食得到入面有一粒粒既墨魚肉 唔係成舊都係粉 -- 芝心魚丸＄43 出面睇好似冇咩特別 一食入面 芝士即爆 p.s 小心辣口 -- 廣島蠔＄78 一碟都有好多隻 夠大隻 煮完都唔會太縮水 -- 新鮮肥鵝腸＄78 依家好多鵝腸都係冰鮮居多 而且都係瘦巴巴 -- 今次食到既鵝腸 好肥美 食到久違了鵝腸油香味 好耐都冇食過 而且煮完仲好爽口 -- 冰豆腐＄38 冰豆腐又叫做蜂巢豆腐 用黎打邊爐最正 又唔會煲到散晒 入面一層一層 放到最後先食 除左吸收晒個蟹煱湯汁精華 & 醬汁 仲好有豆味 -- 雜菜＄38 食左咁多肉肉 當然要食返d菜菜 d菜睇落好新鮮 青bb咁 叫一個雜菜 每樣都有d 可以滿足晒唔同人既需要 -- -- P.S 路邊煱 除左特色火煱 仲有雞煲食 下次可以再Order -- 路邊煱 | Road Hot Pot 土瓜灣美景街11至13號地舖 -- | ms.C+ Makeup Space | x | 講女‧C生活 | ♧ 80′s 後 X 100%土生土長水瓶港女；隨心講，隨心寫 ♤ 唯美派棉花糖女系；愛玩、愛食、愛扮靚 ♧ 身兼多職 - Blogger + Makeup Artist + OL ♤ 歡迎不同合作機會（試用 / 出席活動） ✉mscammy.w@gmail.com -- ms.C+ makeup space 專頁：https://www.facebook.com/ms.cmakeupspace Instagram: https://instagram.com/ms.cmakeupspace/ -- ms.C其他網誌: http://mscmakeupspace.blogspot.hk/ http://blogs.elle.com.hk/mscammy/ https://blog.ulifestyle.com.hk/blogger/mscammy/ http://www.beautyexchange.com.hk/blog/mscammy http://beauty.qooza.hk/u/mscammy/shares http://blog.she.com/mscammy/ http://mscammy.theztyle.com http://trial.itrial.hk/user/mscammy http://www.weshare.hk/mscammy/ http://mscammy.pixnet.net/blog http://style-tips.com/blog/mscammy --
