C+搵食團||「泰」式嘆 ‧ 另類High Tea選擇 - 諾士佛臺‧泰燒遙 -- 講起High Tea 可能大家第一時間可能會想起 坐係酒店食蛋糕+甜品既西式選擇 但依家High Tea唔只得西式 原來仲有特別既「泰」式選擇 -- 諾士佛臺對於ms.C黎講 多數都係天黑先會出現既地方 今次ms.C就同友人 襯仲有太陽去 Hea住嘆果「泰」式Tea先 -- 上到去泰燒遙 鋪頭可能係下午茶時間 人流唔算好多有2-3枱客 都安排客人集中坐係落地大窗邊位置 -- P.S所以如果唔知有Tea食 可能以為落場時間 依家人少少 反而可以靜靜咁享受下 -- 其實Tea Set唔係好多選擇 2款High Tea Menu for 2 & 4款精選套餐 -- 2款High Tea Menu (for 2) 內容差不多 對於有選擇困難症既我們 好難決揀 -- 但難得一次同友人High Tea 所以決定要貴果Set $338 for 2 -- 北海道元貝配青木瓜沙律 x 2隻 泰式香辣肉碎生菜包 x 1份 泰式串燒虎蝦 x 2隻 燒西班牙黑毛豬豬頸肉 x 1份 泰式燒雞翼 x 2隻 香烤法包 x 2件 泰式甜品拼盤 泰式特飲 x 2杯 -- 大熱天時先黎嘆杯冰凍飲品先 珍多冰 & 海底椰大樹菠蘿椰汁冰 入面既料都好多 海底椰咬落QQ 而且椰汁味香 唔會好勁太假既糖水味 -- 主角上枱 一大個木盤 平鋪晒全部咸點 串燒、生菜包、豬頸肉晒你冷 視覺上睇落都好滿足 -- 北海道元貝配青木瓜沙律 我自己幾鍾意呢個 雖然有少少偏辣 酸酸辣辣咁 好開胃 加埋蝦米仔既咸香 成個辣得黎都好好味 -- 泰式香辣肉碎生菜包 x 1份 都有7-8塊生菜 肉碎炒得好香 唔會太乾 望落有好多辣椒咁 但食落冇咩辣味 包晒生菜都仲有好多肉碎 -- 泰式串燒虎蝦 x 2隻 虎蝦串燒上枱已經剝埋殼 啱晒我呢d懶人食 食落蝦肉唔會梅 唔使點醬料都好鮮味 -- 泰式燒雞翼 x 2隻 兩隻燒雞中翼 冇咩雪味 香料味重 但有少少偏辣 -- 燒西班牙黑毛豬豬頸肉 x 1份 個外皮有少少焦香 肉質依然嫩有肉汁 唔會燒到太乾 配埋果泰式酸辣醬食一流 -- 香烤法包 x 2件 冇加料既烤法包 都算烤得脆脆 冇咩特別 -- 食完咸就要食甜 High Tea 點少得甜品 泰式甜品拼盤 甜品用果小小中式籠入住 上下兩層 -- - 有椰汁西米粟米糕 唔會太甜 - 其他野認唔出係乜 有d椰絲、花生碎、 撈埋D泰式糕點 有少少似糯米磁 -- 成個Set睇落唔係好多野食 睇落份量亦都唔算太多 不過慢慢食慢慢傾 都夠飽肚 -- 同場加映 餐廳準備緊晚市 好多新鮮既海鮮 for 晚市燒烤用 可以自己揀燒邊條魚、邊隻海鮮 下次有機會試下先 -- C+搵食團推介 泰燒遙（Thai on 5 Seafood Grill and Bar） 尖沙咀諾士佛臺1號5樓 -- ||ms.C+ Makeup Space|| ♧ Makeup Artist + OL ♤ 80′s 後 X 100%土生土長港女Blogger，隨心講，隨心寫 ♧ 歡迎不同合作機會（試用 / 出席活動） ✉mscammy.w@gmail.com -- ms.C+ makeup space 專頁：https://www.facebook.com/ms.cmakeupspace Instagram: https://instagram.com/ms.cmakeupspace/ -- ms.C其他網誌: http://mscmakeupspace.blogspot.hk/ http://blogs.elle.com.hk/mscammy/ https://blog.ulifestyle.com.hk/blogger/mscammy/ http://www.beautyexchange.com.hk/blog/mscammy http://beauty.qooza.hk/u/mscammy/shares http://blog.she.com/mscammy/ http://mscammy.theztyle.com http://trial.itrial.hk/user/mscammy http://www.weshare.hk/mscammy/ http://mscammy.pixnet.net/blog http://style-tips.com/blog/mscammy --
