C+搵食團||異區覓食‧荃灣抵食之選 - 韓正屋韓國料理 -- 作為一個香港（島）人既我 返工係港島 住又住港島 過海搵食真係少之又少 今次仲要去到港鐵既另一端 - 荃灣搵食 相對黎講有少少遠 -- 不過咁啱去開附近出活動 於是黎一次異區搵食團 -- 其實ms.C聽聞荃灣有好多好野食 不過丹尼先生又話想食韓國 又係要搵Open Rice既時間 見到呢間餐廳得1個喊樣 所以就決定呢間 小區既抵食之選 - 韓正屋韓國料理 -- 星期日大約七點鐘 去到附近 見到其他餐廳都冇乜人龍 唯獨呢間出現人龍 不過好彩等左大約10分鐘就好快有位 （見到呢張相，好想叫人幫我P走架的士） -- 見到出面都坐滿晒 我地兩個就被安排坐係間細房仔到 （冷氣都幾勁） -- 我地等位果時已經研究好食咩 其實成果餐牌價錢都唔算太貴 大約八成都係五、六十蚊有交易 -- 由於女人係一個貪心既動物 樣樣都想試咁 想過計過數 都係套餐最抵食 二人套餐 $215 1) 鐵板燒牛仔骨 2) 海鮮純豆腐湯 3) 石頭傳統雜錦牛 / 豬 / 雞肉飯 連兩個自選前菜 + 飲品 -- 其實就價錢黎講$215 有咁多野食 本來預算套餐都唔會太大份 但上菜時無論份量 定係賣相都完全喜出望外 -- 飲品 韓國柚子茶（熱） & 蜂蜜紅棗茶（冰） 應該都係現成沖 我叫果杯蜂蜜紅棗茶 飲落有少少紅棗 杯野落料都幾重手 食完成餐飯再飲 冰都溶晒 果底都依然好甜 -- 抵讚位：跟套餐冷熱飲品都唔使加錢 -- 前菜 基本既款式 有六款可以選擇 有辣有唔辣選擇 我地就選擇韓式泡菜+涼伴菠菜 不過略嫌份量較少 -- 前菜1 - 韓式泡菜 味道既辣度適中 而且微酸 幾開胃 -- 前菜2 - 涼伴菠菜 比起出面食少左一陣雪味 -- 必食之選1 - 海鮮純豆腐湯（辣）（配白飯）（散叫 $59) 先黎果湯 睇到果湯見到紅噹噹 對於不嗜辣既我有少少嚇怕 但食落又唔係想像中咁恐怖 雖然都係有少少辣 不過果種辣係香辣既感覺 唔係嗆喉既感覺 -- 海鮮就有蝦、蜆肉、魷魚 蔬菜就有金菇、翠玉瓜 不過最正就係D豆腐 豆味好香又滑 豆腐滑嘟嘟配埋D咁 成個湯用黎送白飯一流 -- 石頭傳統雜錦牛 / 豬 / 雞肉飯 因為叫左牛仔骨 所以石頭飯就叫左雞肉 石頭窩熱力夠 上枱都係咋咋聲 啱晒鍾意食飯焦既人士 配料勁多 -- 配上甜辣醬撈埋一齊食 味道一般 不過不失 -- 必食之選2 - 鐡板燒牛仔骨（散叫$98） 最後一味上菜 一黎到嘩 咁大份既 -- 原塊鐵板上 一條牛仔骨保守估計有成15cm長 仲要有三條咁多 上枱果陣d油仲咋咋聲 店員好細心 見我地張枱唔係好夠位擺 就主動話要唔要幫我地碎上 轉細碟 讚！ -- 切開左勁多肉汁 肉唔會死死實實 唔會太韌 亦都冇乜「那」肉粉味 去到筋位有DD咬口 -- 因為丹尼先生最愛水冷面 所以額外多點一個 韓式蕎麥水冷面($45) 呢個水冷面造形都幾似 韓國原裝版 因為有幾舊雪梨係度 不過加左韓式牛肉 上枱果陣我初時以為叫左沙嗲牛面 -- 食落蕎麥面面質QQ 煙煙韌韌 唔會太糊 不過略嫌唔夠酸 &冰 扣少少分 -- 我地七點左右入座 到食飽飽八點半到 鋪頭依然坐滿客 & 有人等位 可想以知幾受歡迎 -- 成餐飯全部野埋單$260 呢個價錢食都咁多野 撇除地區因素 價錢、份量、質素 算係抵食之選 若果大家去開荃灣既不防一試 -- C+搵食團推介（★★★★★） 韓正屋韓國料理 | Hon Ching Uk Korean Cuisine 荃灣海壩街22-32號華達樓地下E舖 -- ||ms.C+ Makeup Space|| ♧ Makeup Artist + OL ♤ 80′s 後 X 100%土生土長港女Blogger，隨心講，隨心寫 ♧ 歡迎不同合作機會（試用 / 出席活動） ✉mscammy.w@gmail.com -- ms.C+ makeup space 專頁：https://www.facebook.com/ms.cmakeupspace Instagram: https://instagram.com/ms.cmakeupspace/ -- ms.C其他網誌: http://mscmakeupspace.blogspot.hk/ http://blogs.elle.com.hk/mscammy/ https://blog.ulifestyle.com.hk/blogger/mscammy/ http://www.beautyexchange.com.hk/blog/mscammy http://beauty.qooza.hk/u/mscammy/shares http://blog.she.com/mscammy/ http://mscammy.theztyle.com http://trial.itrial.hk/user/mscammy http://www.weshare.hk/mscammy/ http://mscammy.pixnet.net/blog http://style-tips.com/blog/mscammy --
