C+美食團||愛上小店味道 - 土瓜灣HeySoNuts -- -- 依家好多旺區既食肆 都被大型連鎖店壟斷 黎黎去去都係一式一樣既餐廳 你唔悶我都悶喇！ 反而小區入面既小店 每次都令到ms.C有驚喜 -- 今次C+美食團介紹既小店 就係位於土瓜灣北帝街 特色既咖啡小店 HeySoNuts -- 作為一間Cafe小店 當然要有D特式野撐場 咖啡當然係其中一個重要成員 HeySoNuts 有比較少有既每日 「限量」冰滴咖啡 啱晒追求品味既咖啡友 -- 除左要靚咖啡之外 呢間小店既熱食 & 甜品 不論食材料、煮法絕對有驚喜 絕對係驚喜之作 -- 講下環境先 鋪頭入面主要都係採用原材料做裝潢 加上木造既枱 感覺幾特別 -- 牆上用上印有唔同特色 既咖啡豆麻布袋裝飾 -- 特別之處 連Menu既套都用上麻布 & 木材原料 -- 我地一行幾人 被安排坐最近門口既長枱 因為張枱距離門口都有一段小距離 所以其他人出入 門外既熱氣都唔會影響到我地 贊！ -- 靠近門口位置 都有一列望街既Bar枱 都可以輕輕鬆鬆飲杯咖啡 -- 一開波簡簡單單整個既沙律開下胃先 烤菠蘿沙律配松子仁($98/大） 望落既一粒粒微微煎香過新鮮菠蘿 其實冇加咩醬料 只係新鮮菠蘿加少少香料 未食之前以為會係暖 / 熱熱地 但食落完完全全係凍 攪到自己有少少Confuse -- 慢煮牛面肉配扁意粉($116) 果樣望落有少少似炆牛腩 一小個熱窩上 配上淡淡既扁意粉 -- 牛面肉肉質食落好淋 唔使點樣咬已經係口都溶化 不過略嫌牛既騷味較重 -- 香煎加拿大帶子意大利飯（$118） 食得出意大利飯質感 飯唔會太淋 帶子唔會煮得太老 仲食到帶子既鮮甜 -- 西冷牛肉原隻大蘑菇漢堡（$138） 如果隻包要ms.C一個人食 就一定食唔晒 大蘑菇面鋪滿芝士 食落有少少焦香 配合埋d芝士 咸咸地咁 配上多肉汁既西冷牛肉漢堡扒 味道 -- 忌廉大蘑菇貓耳朵配以核桃($116) 之後黎既就係特別既貓耳朵 貓耳朵係意粉既一種 ms.C係意大利食過 香港就較少地方有得食 所以見到Menu有得叫即刻要試 -- 貓耳朵可以配慢煮雞肉、三文魚 我地就選擇左慢煮雞 食落果汁有勁香既蘑菇味 果汁濃稠度剛剛好 配合貓耳朵食一流 煎香既慢煮雞肉 肉質唔會太鞋口 -- 食完主菜 女人另一個戰場 - 甜品篇 當然有女人sss最愛既甜品 由於HeySoNuts既主菜 份量唔會太大份 所以女人sss可以再攻甜品 -- HeySoNuts有另一本Menu 係甜品專用 靚靚既甜品相 配合加埋色彩鮮燄既插圖 勾起左食甜品既慾望 -- ms.C覺得HeySoNuts既甜品 款款都係用黎呃LIKE一流 -- 焦糖香蕉窩夫配香草雪糕（$52半份 / $68全份） ms.C摯愛甜品之一窩夫 其實去到邊都要必點 今次ms.C寵幸既就係焦糖香蕉 -- 呢款都係呃LIKE一流 成份窩夫上到枱都係大堆頭制作 4件成寸厚既窩夫 配上原隻既焦糖香蕉 -- 塊窩夫咬落外脆內軟 充滿蛋香 配上雪糕、吉士、焦糖香蕉 正！ -- 泡泡提拉米蘇（$48） 用一隻鴨鴨碟 裝住即整既Tiramisu 配上粉紅色泡泡 視覺上睇落勁有沖涼Feel -- 甜味 & 咖啡味適中 不過略為食落酒味較平時既重 我自己就不太鍾意 -- 綠茶棉花糖（$54） 法式既綠茶奶凍 配上雪糕 & 紅豆 上枱前杯上面 重有個成塊面咁大舊既棉花糖雲 呃LIKE必點 味道方面食落奶凍 奶凍唔會太甜 有勁香既綠茶香味 -- 我要做個開心既肥妹 -- C+美食團推介 HeySoNuts 土瓜灣北帝街149號地下3號舖 -- ||ms.C+ Makeup Space|| ♧ Makeup Artist + OL ♤ 80′s 後 X 100%土生土長港女Blogger，隨心講，隨心寫 ♧ 歡迎不同合作機會（試用 / 出席活動） ✉mscammy.w@gmail.com -- ms.C+ makeup space 專頁：https://www.facebook.com/ms.cmakeupspace Instagram: https://instagram.com/ms.cmakeupspace/ -- ms.C其他網誌: http://mscmakeupspace.blogspot.hk/ http://blogs.elle.com.hk/mscammy/ https://blog.ulifestyle.com.hk/blogger/mscammy/ http://www.beautyexchange.com.hk/blog/mscammy http://beauty.qooza.hk/u/mscammy/shares http://blog.she.com/mscammy/ http://mscammy.theztyle.com http://trial.itrial.hk/user/mscammy http://www.weshare.hk/mscammy/ http://mscammy.pixnet.net/blog http://style-tips.com/blog/mscammy --
