C+食評||與OPPA...下午茶 - Seoulmate Cafe -- 西環唔知對大家黎講係一個咩地方 但對於ms.C黎講係一個陌生國度 最多都只係一個坐叮叮路過既地方 少之又少去用腳去感受 -- 今次難得同閨蜜 去到呢個陌生國度開餐 當然要搵間特色餐廳 今次既聚腳點就係韓式咖啡室 - Seoulmate Cafe -- 睇Open Rice資料 呢間Cafe係由韓國人開設 唔知一陣有冇機會見到靚仔Oppa呢？ -- 呢間精品小店Cafe 分有室內同室外用餐區 室內有特色擺設外 都有冷氣供應 但只有10個位左右 若果指定坐室 就要等下 -- Seoulmate Cafe 特別之處 就係一般餐廳既後門 可能都用黎做儲存 / 洗碗用 Cafe就利用後欄位置 打造市區入面較少有既戶外用餐區 可以容納既位置 比室內仲多 開果廿另人既小型Party都得 仲設有風扇&冷風機 -- 利用木制既家具 更加附設「搖搖椅」 形成一個秘密小花園 用黎影相呃LIKE一流 -- P.S 不過室外地方始終有好與唔好 優點就係可以係戶外享受下大自然 缺點就係始終都仲係夏天 戶外地方始終有少少熱 & 同小昆蟲 -- 講返野食先 今次同閨蜜都係搵果地方坐下吹下水 主次主力都係食甜品 -- 我地大約4:00去到都要排一陣隊 入面既靚仔店員出黎話 坐Outdoor既就使排隊 -- 餐廳係自助形式 睇啱就自己去櫃枱比錢 之後就有部機仔返埋位到等喇 -- P.S餐廳仲有其他主食 & 甜品提供 -- 我地叫左兩杯野飲 + 1個甜品 -- 美式咖啡 & 莫卡 咖啡較重奶味 略為咖啡味唔太濃 較為失色 -- 「甜美K爆雪糕米餅脆脆」（＄58） 用米餅脆脆砌成朵花花 士多啤梨雪糕 配上芒果肉 + 抽子醬 酸 & 甜味兩者味道啱啱好 底層既米餅脆脆 可以「畢」埋雪糕一齊食 -- P.S 【MissTiara x Seoulmate Café x Faith in Face 】期間限定 「甜美K爆雪糕米餅脆脆」 只要Download MissTiara Apps 惠顧「甜美K爆雪糕米餅脆脆」 即送Faith in Face「溫和柔滑潔膚乳」210 ml 乙枝 優惠日期：2016年4月27日至2016年5月26日 -- 兩個女人ss坐坐下又一個下午 雖然呢餐冇OPPA陪既下午茶 但有—個閨蜜陪住都冇所謂喇！ -- 搵食推介 Seoulmate Cafe 西環西營盤第三街83號 -- ||ms.C+ Makeup Space|| ♧ Makeup Artist + OL ♤ 80′s 後 X 100%土生土長港女Blogger，隨心講，隨心寫 ♧ 歡迎不同合作機會（試用 / 出席活動） ✉mscammy.w@gmail.com -- ms.C+ makeup space 專頁：https://www.facebook.com/ms.cmakeupspace Instagram: https://instagram.com/ms.cmakeupspace/ -- ms.C其他網誌: http://mscmakeupspace.blogspot.hk/ http://blogs.elle.com.hk/mscammy/ https://blog.ulifestyle.com.hk/blogger/mscammy/ http://www.beautyexchange.com.hk/blog/mscammy http://beauty.qooza.hk/u/mscammy/shares http://blog.she.com/mscammy/ http://mscammy.theztyle.com http://trial.itrial.hk/user/mscammy http://www.weshare.hk/mscammy/ http://mscammy.pixnet.net/blog --
