C+食評||特別的深宵食堂 - 自家配搭漢堡麥當勞 -- 邊個話一個人食麥記會好頹 食麥記一個人都可以食得好正 -- 麥當勞有咩食評好寫 可能ms.C呢隻大鄉里未見過未試過 梗係要寫下喇 -- 話說ms.C經過金鐘回家的路上 突然間想食麥記 就上左去麥記想住食個普通餐 唔醒起呢間麥記內有乾坤 -- 呢間麥記 唔只黎黎去去都係孖芝、豬柳蛋、魚柳包、BigMac 咁普通 -- 仲可以自家制漢堡、沙律等等 呢邊自家配搭產品 + MaCafe既廚房 採用Open Kitchen 邊整漢堡、沙律、甜品等等 點擊圖片放大 -- 自創沙律($40+) 對ms.C呢D食肉獸黎講 唔太吸引都係睇下算 -- 難得黎到呢到 今次既目標當然就係自家配搭漢堡 自制漢堡基本消費$45 一款包、一款主菜、一款芝士、一款配菜、一款醬汁 當然要試下自制漢堡喇 -- 店入面有六部呢d自助下單機 大家可以自己係機到自助落Order -- 普通麥記餐、McCafé、甚至自家制漢堡、沙律都可以落單 望落部機好似好簡單 但由開始落單 + 考慮要咩 到完成 我玩左部機差唔多15MINS -- P.S 若果趕時間 / 人多時 可能行返去傳統櫃面買快d -- Step 1: 首先揀左你要咩先 -- Step 2: 堂食 / 外賣 -- Step 3: 漢堡最骨幹 - 飽 首先要揀左咩飽款先 飽款有3款 意式香軟飽、法式甜飽 & 「走飽」（原塊生菜） -- Step 4: 選擇靈魂主菜 我之前食果期就有 100%安格斯漢堡扒 / 大啡菇揀 2選1 -- Step 4: 揀芝士 可以有四款芝士選擇 但對於ms.C黎講無乜特別愛好 只係求其選擇一隻 - 香濃車打芝士 嗜辣既不防試下香辣芝士 -- Step 6: 到配菜喇 例牌生菜、蕃茄、酸瓜 特別d既有墨西哥小辣椒 & 香炒洋蔥 基於ms.C又係唔食辣既關係 揀左特別少少既香炒洋蔥 -- Step 7 : 揀醬汁 醬汁就有最多選擇 10款左右 有D醬汁係平時普通麥記飽可以食到既汁 （左魚柳飽醬、Big Mac醬、芥末、茄醬等等） -- 有D醬就特別D （蛋黃醬、美式BBQ醬、香蒜蛋黃醬、松露風味醬） -- 嚐辣既朋友可以試下 （墨西哥辣茄醬、美式BBQ醬） -- 難得一試自家配搭漢堡 當然唔會試普通醬 今次我就選擇左松露風味醬 -- Step 8: 大加特加 因為係 自家配搭漢堡 最後可以隨你鍾意再額外附加 你鍾意既配料 芝士、露荀、煙肉、蔬菜、煎蛋等等 逐樣加錢 ms.C就貪心地再加左個大啡菇 ($15) 點擊圖片放大 -- 係部Order機禁禁禁 揀好晒要買既野 最後對下你果包有D咩先 -- 自家配搭漢堡基本消費$45 可以加配套餐 我揀左中薯條&汽水 + $14 -- Order 機隔離有果Order 機仔 （其實唔知有冇用，拎左先） 比錢埋單$75 可以比八達通 / 信用卡 -- 食自家配搭漢堡既特別之處 就係唔使自己拎 有專人會送上黎 -- 揀果有得差下電既位先 -- P.S記住Show張單係枱面呀 唔係職員搵唔到你果Order -- 登登登 呢個就係ms.C既自家制漢堡 成個套餐望落好靚 有晒擺位家 一d都唔頹 -- 果餐比普通麥當勞餐貴少少 總有原因既 由上枱既擺位 附加既服務 + 配套 -- 食落去個包面好鬆軟 果黑松露汁配埋果大啡菇 & 牛肉好夾味 牛肉都較為Juicy 果菇&肉有少少烤焦既味勁香 -- 因為影左一輪相先食 果飽底有少少出水 -- 唔好睇佢包細細 果飽好好味 食既成個 可能太夜食飯 都覺得Full左少少 -- 總結： 當然唔好抱住太大期望 可以拍得住西餐廳百幾蚊既漢堡質素 -- 整體黎講 同平時既麥記飽味道 質素都差好遠唔同 有類近Burgur King 既Feel -- 咁夜媽媽10點幾 想食個有少少質素&要求既漢堡 都算係幾好既選擇 -- -- 敗筆之處 就係轉套餐果薯條 雖然用果筲箕裝住 誤會係會有少少特別 但原來只係普通餐薯條 有少少失望 不過都算新鮮即炸 加返少少分 -- 同場加映 新地窩夫 ($38) 見隔離位食好靚 下次再試 -- 麥當勞 Next McDonald's Next 金鐘夏慤道18號海富中心地下1-41號舖 -- ||ms.C+ Makeup Space|| ♧ Makeup Artist + OL ♤ 80′s 後 X 100%土生土長港女Blogger，隨心講，隨心寫 ♧ 歡迎不同合作機會（試用 / 出席活動） ✉mscammy.w@gmail.com -- ms.C+ makeup space 專頁：https://www.facebook.com/ms.cmakeupspace Instagram: https://instagram.com/ms.cmakeupspace/ -- ms.C其他網誌: http://mscmakeupspace.blogspot.hk/ http://blogs.elle.com.hk/mscammy/ https://blog.ulifestyle.com.hk/blogger/mscammy/ http://www.beautyexchange.com.hk/blog/mscammy http://beauty.qooza.hk/u/mscammy/shares http://blog.she.com/mscammy/ http://mscammy.theztyle.com http://trial.itrial.hk/user/mscammy http://www.weshare.hk/mscammy/ http://mscammy.pixnet.net/blog --
