自從由糕小姐變成包太太，拍拖活動由去山頂行沙灘變成逛supermarket，不過……一樣係開心嘅！ 話說包先生突然想食芝士撻，於是”陪我”去買材料，行入超市就見到有無花果，我同包先生都即時諗 ~ “可以加埋佢落去喎！ 跟住買埋芝士，撻皮可以用金像牌頂級多用途麵粉或美玫牌頂級低筋麵粉做，照住食譜整左呢個無花果芝士撻喇！ 雖然冇照足食譜將無花果砌成花形 (…偷懶~嘻！)，不過我呢個作品都唔錯丫！ **食譜** 材料： 金像牌頂級多用途麵粉 或 美玫牌頂級低筋麵粉 166 克 雞蛋 20克 糖粉 60克(撻皮用) 無鹽牛油 100克(室溫) 淡忌廉 200克 糖粉 12克(芝士餡用) 雲呢拿香油 1茶匙 朱古力粒 少量(裝飾用) 藍莓 少量(裝飾用) 馬斯卡彭芝士 200克 黃豆 84克 (壓皮用) 無花果 少量 撻皮做法： 1. 將所有撻皮材料攪拌均勻至成麵糰，冷藏約60分鐘後取出。 2. 將撻皮擀薄至3mm，覆蓋於圓形撻盤中。 3. 用叉在底部刺出小洞，鋪上烘焙紙，倒入黃豆。 4. 放入已預熱至180℃焗爐，烘烤15分鐘，取出黃豆再烤10分鐘。 5. 完成後取出待涼備用 芝士餡做法： 1. 將馬斯卡彭芝士，淡忌廉及糖粉置於大碗內，用電動打蛋器中速打發約1分鐘。 2. 加入雲呢拿油再打發至挺身。 無花果芝士撻做法： 1. 隔水座溶朱古力。 2. 於已冷卻之撻皮塗上一層朱古力漿。 3. 往撻中放滿芝士餡。 4. 將無花果放於芝士撻上。 5. 再用糖粉作裝飾。 參考食譜： 更多烘焙資訊 https://www.gsflour.com
