蛋撻一定係新鮮出爐最好味！以前我同包先生會喺餅店門口等蛋撻出爐，然後喺街上不顧儀態咁食。自從愛上烘焙，要食出爐蛋撻就容易得多！早幾日，包先生突然又話想食熱辣辣蛋撻，於是我又攞出材料同工具做愛心蛋撻。 撻皮用咗美玫牌頂級低筋麵粉，除咗雞蛋、淡奶，仲加咗雲呢拿油，有香濃奶味。 搓好嘅撻皮鋪於撻模，加入預備好嘅蛋液，就可以入爐喇。 焗起香味令全屋都香噴噴，最緊要係熱辣辣即刻食！ 食譜 (資料來源：Happy Amy) 材料： 撻皮材料： （8隻） 低筋麵粉 130克 無鹽牛油（室溫） 60克 糖 20克 蛋黃 1個 鹽 1/6茶匙 蛋漿： 水（熟） 100克 淡奶 40克 全蛋 1隻 蛋黃 1隻 糖 45克 雲尼拿香油 1茶匙 詳製作步驟可參考影片：
