#day1 #newborn 完全無預計咁快之下生左阿囝出黎！ 因為我 9/6 （星期五）才最後一天上班， 終於可以放產假好好休息， 但我在11/6（星期日）就順產生左喇！！！！！ 明明 12/6 星期一先係我既產假第一日XDXD 今次係前0後10，好勇猛！ 講返果日，真係充滿混亂既一日！ 丁丁於前一晚唔舒服嘔左成個晚餐， 到半夜又斷斷續續每隔一個鐘就嘔水嘔黃膽水， 到朝早去睇醫生， 佢睇完到我唔舒服，好似肚痛又似陣痛， 食午餐阿丁又嘔又肚屙，我又痛， 倒瀉蘿蟹咁，急call嫲嫲照顧阿丁先。 其實我果刻都未覺得生得， 以為少少痛，為保安心都係去轉醫院好D， 但去得醫生多數都會留院（就算未生得都要留院觀察架啦～以我既經驗，我好明白！） 所以必須要帶定入院既物品以防萬一！！ 而我地係到呢一刻才執走佬袋XDXD 之後飛的上東區醫院， 本身應該去登記處就可以直接辦入院， 但果日係星期日，要先去急症室登記先， 再等安排，姑娘見我已經足月，所以可立即上產前房， 辦好入院手續簡生就被趕走⋯⋯ 無法產前房的探病時間有限制嘛 ⋯⋯ 他要到探病時間才可再上黎。 當時去到東區醫院時，已經陣痛十分鐘次， 佢再返黎睇我已經五分鐘次， 原來真係生得喇，我都估唔到會早左成十二日出世～ 但當時仍未見紅未穿水，都係痛住焗等， 開頭都有連心跳機CHECK住BB心跳同宮縮情況， CHECK大約一小時，無太大問題就唔使再連住。 姑娘巡房時，都不斷問我情況，痛成點之類～ 其實都跟得非常足～ 到晚上九點半痛到典床都係開兩度， 點知開兩度，姑娘用指探囉＞_＜ ANYWAY，果時都唔理太多，話入得產房， 就急急腳打比簡生叫佢回來， 醫院既阿姨就開始叫執野， 將所有個人物品執好，帶去產房。 ！所以入院時盡量唔好帶太多野！ 阿姨推輪椅比我坐，去到產房， 有LOCKER可放個人物品，放心有鎖。 之後就換衫上床， 又係痛痛痛同等等等， 期間突然聽到"POO"一聲，原來我終於穿左水喇！ 如果唔可以自行穿水，就要姑娘做人手穿水， 聽人講痛到爆！！ 而簡生到產房時已開8度， 我幾驚佢未到就生左！ 一輪尖叫聲，再跟著姑娘同助產士的呼吸指示， 十點半終於生左囝囝！！ 全程靠自己呼吸呼吸，無聞笑氣、無打針、無用無痛妢娩，簡生話我痴線架！！！ 點解我咩都唔用，唔係我勇， 係因為時間太快了， 笑氣聞左會無力生、打針同無痛妢娩都要生前四小時做⋯⋯ 尤其我第二胎，係會快好多， 所以就用最自然既方法！跟助產士的呼吸指示！ 生完再清胎盤、檢查、縫針等， 又用了兩個多小時。 最後半夜兩點才回到產後房休息～ 值得一提的是，我有UPGRADE去半私家房， 即是3人一間房，有獨立洗手間， 而且探訪時間是早上8時至晚上9時， 非常好！ 雖然價錢會貴D，但非常值得的～～～ 住多兩晚，寶寶跟我都沒問題， 就可以出院了～ 東區醫院，我覺得政府醫院來說，非常好！ 人不多，上至醫生姑娘助產士下至阿姨清潔姐姐都好好～ 醫院也支持人奶餵哺及母嬰同室的喔～ 我們的第二個寶寶，囝囝，2017/6/11，3.17kg～ DAY1-DAY20: https://www.youtube.com/watch?v=OSm27hpsgL4 PS: 支持順產，hp回復快好很多！生完仲有力餵奶傾計講笑話～ PS2: 而家仲覺得好似發緊夢咁！ * * * * * * 第一胎：☆孕媽媽☆ 平安夜順產記 更多分享： ☆孕媽媽☆ ☆成長日記☆ * * * * * * Follow: FB: www.facebook.com/MrsKan.blog IG: mrskan_net (http://www.instagram.com/mrskan_net/) Youtube: Mrs Kan (http://goo.gl/9EqI55) Kan夫人。生活雜記 歡迎聯絡合作: Email: ja20121111@gmail.com http://www.ja20121111.blogspot.hk
