好，又DAYBACK返先～ 係未生前，當然要食好D嘆好D，話晒生完有排都唔使旨意有得出街XD 今次由朋友介紹去了大坑吃隱藏版的正宗法國餐！！ 餐廳好寧靜優雅，直頭好似去左外國咁！ 估唔到有咁正既地方～～ 餐廳細細，只得不夠十張檯， 但氣氛好好，牆身都掛上不同的油畫～好有法式的文藝氣息！ 是晚，我地選了4 Course Dinner， 有齊前菜、湯、主菜同甜品～ 4 Course 同 3 Course都不過差$40，多了一道甜品， 吃過後就知道加這價錢是超級值得！！！ 點完菜就先來了自家製的麵包籃， 配的竟然是黑松露牛油，更添香味！ STARTER： 香煎法國鵝肝配芒果甜酸醬 秘製磯煮鮑魚 鵝肝煎得剛好，少少脆邊，中間軟腍，油香不得之了！ 配埋少見的芒果甜酸醬，帶點清新，可中和油膩感～ 而平時多在中菜見到的鮑魚，用上法式煮法， 味不會太濃，吃到鮑魚的爽甜～ 龍蝦湯 滿滿的是龍蝦的味道！！！ 應該有將龍蝦殻打碎加入燉煮，才會有如此濃郁的蝦味～ 完全真材實料喔！ 法式洋蔥湯 也不可以錯過，看似味濃，其又不然， 入口舒服，帶有牛湯味道，加上大量鮮甜洋蔥，面層仲有芝士，味道有層次！ 慢煮西班牙豬肩配芥末醬 以慢煮的方法留住最鮮嫩的肉汁， 豬肩肉都可以保持中間粉嫩的色澤！ 入口軟腍，肉質香醇！ 配上旁邊的新鮮蘋果蓉更覺驚喜！ 海陸盛宴配紅酒汁 指的是西冷牛排配龍蝦尾～ 厚切西冷，不是普通貨色，牛味出眾，少少RAW加上紅酒汁，味道好MATCH！ 而龍蝦也彈實鮮甜～ 真想多吃幾口！！ 朱古力蛋糕配雲呢拿雪糕 超級香濃醇厚的黑朱古力味！！！！！！ 是朱古力愛好者必吃的一道甜點～ 法式焦糖芝士蛋糕 Creme Brulee Cheesecake 芝士蛋糕本身已經好邪惡，仲要加埋焦糖脆面！ 完美度100分！ 好在加了雜莓雪糕，中和甜膩感～ 呢次法國餐，真的超級滿足！ 由一入門口就感到浪漫雅緻氛圍， 加上一道又一道的美食～ 作為約會節目，真的100分喔～～～ 謝謝友人的誠意推介，重拾滿腔的浪漫情懷！ * * * * * * Warren 網址: https://s.openrice.com/QrbS0KwK700 地址: 大坑華倫街9號地下1號舖 電話: 2392 5121 * * * * * * Follow:FB: www.facebook.com/MrsKan.blog IG: mrskan_net (http://www.instagram.com/mrskan_net/) Youtube: Mrs Kan (http://goo.gl/9EqI55) Kan夫人。生活雜記 歡迎聯絡合作: Email: ja20121111@gmail.com http://www.ja20121111.blogspot.hk
