英國設計師、歐洲品牌、素色主義， 仲有透明玻璃屋、透明熱氣球， 陽光照入室內，光影交錯.... One small step ，林小嘅每一小步， 就好似係一片悠然天空下奔跑咁樣， 呢一間親子cafe真係每一個角落都係咁靚， 每一個畫面都好有文青風格， 可以話係近年最有質感，最有北歐風味嘅親子cafe， 我哋都忍唔住黎影相打卡！ 呢度「一草一木」都大有來頭，用餐區用嘅係Muuto 傢俬， 小朋友枱櫈就係 Cam Cam Copenhagen ，派對失就用上 Ferm Living 傢俬， 小廚房就係Milton & Goose， 真係全部都經過精心挑選， 而且你唔只可以喺呢度用得到，如果你想真正擁有， 佢哋呢度都可以幫你代訂！ 另外重點嘅係，呢度每一個菜式每一杯咖啡， 繼續秉承着打卡able嘅宗旨，靚靚嘅擺盤，靚靚嘅拉花， 甚至比小朋友食嘅生果拼盤都整成一個一個波咁， 色彩繽紛，連大人都覺得好吸引！ #玻璃屋迷宮 平時小朋友最愛玩嘅迷宮，今次不一樣形象出現， 透明嘅玻璃屋、雪白嘅繩網、淡藍色嘅爬梯，感覺真係好唔同。 #透明熱氣球 呢個透明熱氣球絕對係全場最受歡迎嘅打卡位， 小朋友響滑梯隧道之後，經過粉藍色波波池，穿過隧道， 爬上繩網就可以去到熱氣球嘅頂端，就好似跨過重重障礙登峰嘅感覺！ #Milton&Goose小廚房 全人手做嘅小廚房，仲係全港第一個引入呢個牌子嘅地方， 每一件配件都十分高質，玩得好放心！ #車仔地圖地氈 麻布質感嘅地圖，上邊有木製嘅車仔同埋交通蟹， 小朋友可以自製自己嘅交通城！ 題外話，其實俾小朋友玩嘅地方真係唔一定要色彩繽紛， 有時減低左顏色對佢哋嘅刺激， 反而佢哋更加專注響玩樂嘅方法上， 其實真係有另一種體會！ #mrs1amology #全職bb聯盟 #全職媽媽 #mamablogger #bbkol #親子 #ftm #slasher #coffeelover #misslam #食買玩 #beauty #foodie #高需求寶寶 #斜頸症 #過敏寶寶 #親子好去處 #文青cafe #親子cafe #荃灣
