半年前，我為左可以解決倒及既問題，所以我選擇左去睇牙醫，睇下有咩方法解救。而呢半年黎，我做左大大小小既檢查，照X光呀，整牙模等等。最後牙醫同我講我可以只係箍牙解決倒及既問題，但係出到黎既效果無咁完美，會好似哨牙咁。所以我二話不說就揀左做手術呢條路。

而前日，我就已經係牙醫果度上左傳統既牙箍，而係上箍既前一個星期，牙醫係我既牙齒之間放左藍色既橡筋，唔好睇少呢幾條藍色橡筋，佢會令你啲牙肉非常痕，而且好唔舒服，而你食野既時候都要好小心，因為只要你唔小心整甩佢，你就要重新返牙醫果度上過啲藍色橡筋架啦，所以為左唔好延長我既唔舒服既時間，我上星期食野都好小心，幾乎日日食粥。直到依家，雖然我覺得上左牙箍的確舒服過藍色橡筋，但係牙醫係我兩隻大牙上加左啲膠，墊高左我兩隻牙，令我咬合點得番兩點，而我根本食唔到野，連粉麵都咬唔斷，所以食野黎講，牙箍比藍色橡筋更差。不過牙箍唔單止令我食唔到野，仲令我講野好似痴利根咁，希望可以快啲過左呢一年時間，盡快做手術啦，依家真係有少少後悔揀左呢條路，因為牙醫果時只係講過手術後會食唔到野兩個月，但我無諗過連箍牙既時候都係食唔到野，如果比我揀多次，我可能會選擇唔做。不過條路自已揀，仆街唔好喊，幾辛苦都好，我都只係可以堅持捱落去。

成功發佈