有人說 : 咩人咪引埋啲咩人囉 其實又係既 你係咩場合識到既咪果埋人囉 去得老蘭飲野 夜蒲clubbing 自然識埋堆player 你問自己 係咪looking for ons or sp 想有真愛唔係冇 難過中六合彩 有時佢想 你又唔想 到你想啦佢又未必想 認真便輸了 自問自己沉過船 輸過 可以話大把男人享受呢種虛榮感 覺得吊你癮好好玩 好有成功感 無奈人都係犯賤 愈得唔到愈想要 講抽身喎 何嘗唔想 難左啲咁囉 但最鄙視啲player明明想SP 死都唔認 話自己認真 真心講 收皮啦 當一個人信左一次 仲會唔會再咁天真信第二次 如果有 真係自己攞黎賤 我認岩岩開始仲會有小小留戀 但當我再搵果個賤男之後 我發覺就算我搵返幾多次結局都一樣 就好似個feel都一樣 對答 態度 語氣 佢冇可能會同你認真 由果一刻我知道一開始已經係一個錯既時候 我冇諗過要返轉頭 亦知道冇可能返到轉頭 當買個教訓 同自己講就算佢再搵返你 你當普通應酬hea答佢就得 而且佢亦冇可能會再搵你 皆因人地等緊大把純情少女上釣 相信唔少蒲過 玩過既女仔 有好多唔會認 唔敢認 但好多都一定蒲過一排就唔再玩 仲會繼續蒲落去既話久而久之就會成為人地口中既蒲精 蒲過而唔再玩既呢班 係真係睇化 同對男女之間果種呃呃氹氹厭倦 愛一個人好辛苦 而愛上一個人渣更辛苦 佢地會知道其實又有咩好玩姐 其實愛完一個人渣之後 你既人生會更精彩 因為你會知道自己想要啲咩同唔想要啲咩 祝 下一段戀情會更好
