11月初有幸飛去首爾參加韓港兩地極速約會，行程中也有自由時間，所以其中一晚相約了在韓的朋友一起吃大熱的芝士烤排骨! 說到要芝士烤排骨，詹姆斯芝士脊排James Cheese Back Ribs 제임스치즈등갈비人氣最高，位於弘大的分店還常常出現人龍，不過原來明洞都有分店的! 詹姆斯芝士脊排明洞店是樓上店，可能行街經過都無察覺它的存在，所以即使小妹星期六晚上8點去試，都未見人龍，而且仲有少少空位! 所以大家想試的話，可能去明洞店等候時間會較短。 至於點樣點餐呢?因為小妹的朋友韓文了得，直接就用韓文溝通都無問題，所以無拎中文餐牌，不過出發中睇過介紹，會有中英文餐牌提供，大家可以放心，亦可看看以下的價錢，就會更易點餐啦! 普通芝士:14000韓圜/人， 中量芝士:16000韓圜/人， 大量芝士:18000韓圜/人 (至少要點2人份量或以上) 排骨可選辣/微辣/唔辣 蒸雞蛋：3500韓圜 炒飯： 普通炒飯: 2000韓圜 / 明太子炒飯：3000韓圜 開餐啦!店員見到你唔係熟手，就會主動幫你整一次，之後可以俾大家慢慢整。記得要捲芝士的時候，要先開火溶一溶芝士。下面圖中所見，是普通份量的芝士，如果各位是芝士控，記得叫大份芝士，便可以勁捲芝士。 ▲剪開脊排 ▲溶芝士 ▲店員日日整，快到我都影唔清 ! ▲慢慢捲 ▲芝士脊排完成 如果覺得唔夠飽，食完脊排可以加點炒飯，溝埋鍋上的芝士、粟米，食得唔好嘥。 ▲同樣地職員會幫你炒，大家等食就得。 ▲明太子炒飯辣辣地，唔食辣的朋友都係點普通炒飯較好。 ▲還點了一個蒸蛋，要3500won，很貴呢!而且不是太特別，大家不吃也可! ▲戴上手套就方便得多! ▲明洞店係無爐邊蛋，只提供酸蘿蔔、青瓜、泡菜。如果想食埋爐邊蛋，就應該揀弘大總店啦! (來源: 제임스치즈등갈비 Facebook) 詹姆斯芝士脊排James Cheese Back Ribs 明洞店： 地址: 서울 마포구 서교동 369-3 首爾麻浦區西橋洞 369-3 交通:地鐵2號線弘大入口站9號出口，近弘大ALAND 弘大總店： 地址: 서울시 중구 명동2가3-1 首爾中區明洞2接3-1 交通:地鐵4號線明洞站8號出口，步行約5分鐘 營業時間:12nn-11pm 弘大2號店: 地址: 서울시 마포구 동교동 169-5 首爾麻浦區東橋洞169-5 交通: 地鐵2號線弘大入口站8號出口，步行約5分鐘 營業時間: 11:30am-2am ————————————————— 延伸閱讀 1.首爾人氣咖啡店 Cafe Majo&Sady 2.$420住東大門民宿 5分鐘到購物區 3. 首爾凌晨機UO615退稅方法+市內退稅程序 4.[另類旅遊] 再見單身 ! 首爾極速約會體驗
