今日去左東港城Monchhichi 「萌」遊世界聖誕派對，見到好多隻絨毛Monchhichi人咁高，仲要每一隻都穿着唔同的服飾，真係超級可愛！「Mon」迷一定要去朝聖！ 今次展覽更難得的地方是年事已高的Monchhichi爸爸關口晃市（Koichi Sekiguchi）都有到港出席活動，咁就知道不論日本定香港都好看重今次活動，小妹更有幸同爸爸合照一幅，太興奮啦！ 由於「爸爸」知道我係粉絲，所以仲特意為我簽名，仲送上一幅即場畫的Monchhichi畫作，小妹真係三生有幸！ 現場仲有日本通兼頭號Mon粉王友良！之後佢仲會出席11月3日的亮燈儀式，大家記得去睇！佢手抱的Monchhichi仲係佢私人收藏品，衣裝打扮同佢一樣咁型呀！ 為了滿足大家對今次展覽好奇心，希望依篇bolg可以同大家分享展覽5大賣點！ 5大賣點： 1.40隻Monchhichi有排影 為了慶祝40歲生日 ，現場有齊40隻(39隻1.5米+1隻4米高聖誕老人版)，直撃當日只係得22隻在場，但已經非常震撼啦！有英國御林軍版、韓服版、墨西哥版、印第安人版、經典版等。 2.8大世界場景 場景包括法國巴黎鐵塔、英國大笨鐘及London Eye、荷蘭風車屋、日本千本鳥居、香港電車站、俄羅斯蔥頭建築、美國自由神像、意大行羅馬鬥獸場。 3.40周年Pop-up Store by xoxo 粉絲們一定最關心有冇40周年特別版買？答案：有！除了毛公仔之外，仲有好多第一次於香港出售的貨品，例如：雨傘、袋、iPhone case、行李喼等等，即使本人是mon粉，都未見過！ 因為40周年限定貨品有接近30款，所以影左部份俾大家睇！大家想知幾錢或者仲有咩其他產品，，大家不妨留言，小妹好願意為大家效勞！ ↑40周年限定(國際版) $399/隻 (工作人員話日本都未有！) ↑(最右面邊兩隻)40周年版MCC $159/隻 ↑ 40周年限定產品 ↑行李箱、Monchhichi小食 及2014年Schedule Book！難得一見！ 4.超過100隻Monchhichi收藏櫃 鐵塔附近的位置會有三個大玻璃櫃，擺滿不同的收藏品！而荷蘭風車屋的後面亦會有！大家唔好錯過啦！ ↑依張唔好意思，興奮到對錯焦！ 5.電子合照 太約在日本鳥居的位置，會有一個電子螢幕俾大家影相，可以加上monchhichi頭、口水肩等裝飾，之後可以upload上fb或者email！大家不妨去整一張趣怪相啦！重點：免費！ 數數下，估計現場有超過500隻MCC！好瘋狂啊！ 延伸閱讀： Monchhichi x東港城 聖誕萌遊世界活動詳情 Monchhichi X 東港城聖誕活動相片 Monchhichi遊香港相集
