上次我寫了宜蘭、羅東之旅的美食篇，大家係咪好想食呢？ 今次我會分享其他宜蘭、羅東的玩樂景點，特別要講的是，蘇澳冷泉！聽我這位充當「導遊」的當地朋友話，世界上有的冷泉極至少數，蘇澳可以話係東南亞的冷泉No.1，在他極力推薦下，我地決定一試！ 最初我怕會超級凍，因為自己夏天冇沖開凍水的習慣，但這個冷泉只有22度，當然也擔心會否適應不到。但當地人極力推薦下，我地買左湯屋企的票，即是一個人一間房，費用只是200台幣一個人，亦可以最多4人一間房，收費為500台幣。好抵啊！ 浸冷泉跟浸溫泉有相似地方，不可以浸太久，所以一間房只能浸太約40分鐘，工作人員於最後10分鐘時會在門外提醒大家，所以一定唔會浸過龍！據了解全場約有幾十間獨立房，所以唔會等好耐。而且公園內另設大眾區，價錢仲平一半，大人70台幣，小童/長者40台幣，大家可以按自己喜好而選擇。 講番間房，都算大，有椅子可以擺放個人物品。底部的石頭唔建議大家踩，因為好「滑散散」:(！ 水中亦有坐的位置，個人建議由腳開始試下水溫，再逐漸浸至頸部，維持至少10-15分鐘以上。我的當地人朋友表示，如果你可以浸得10至15分鐘以上，包你浸後2個鐘都可以清爽不出汗。由於小妹浸得好夠，所以之後行係街上都好爽，至少一個鐘唔會出汗(出面都30度高溫嫁！)大家黎到一定要試下！ 小妹浸完之後，覺得有助舒緩疲勞，仲感覺血液循環好左，因為浸的前幾日，行左太多路，浸一浸，雙腳都無咁浮腫。:) 大家可能問冷泉即係咪浸凍水？答案係唔係！因為冷泉入面會有一些氣泡，會於牆的細小裂缝湧出，當你浸的時候，肌膚之親會被氣泡包圍，好似浸左係梳打水入面，有點冰凍以及刺刺的感覺，好正！ 蘇澳冷泉官方網站表示：「由於二氧化碳在水中之溶解度與壓力俱增，而泉水愈上升接近地表時壓力愈降低，水中之二氧化碳遂之大部份溢出，形成氣泡。」所以真係好特別！ 浸完出大門口時，見到有個神奇spa水缸，仲寫上不可不試，但自問小妹冇咁大膽，朋友試過話我知好正！大家留下言話我知，你又會唔會試喇？ 冬天時另售有冷熱溫泉套票，大家又會唔會係去挑戰一下呢？:) 蘇澳冷泉 地址：宜蘭縣蘇澳鎮冷泉路6-4號 電話：(03)996-0645 開放時間：09:00-20:00 蘇澳冷泉公園網頁：http://suao.hotweb.com.tw/ 宜蘭羅東之旅 -- 美食篇
