宜家去旅行唔係日本韓國台灣就泰國 其實想近近地去轉渡假陽光與海灘，三亞都係好好的選擇 細個睇衝上雲霄已經好想去一次，但次次都比日本吸引忘記左 本身自己又唔鍾意返大陸，所以冇考慮過。 但係又平又近，去返三日都幾過癮。 機票買左不用700$連稅，選擇左比較遠的海棠灣,少啲人仲好 海棠灣比亞龍灣還要遠，但遊客相對亦比較少。 我地間酒店有私人沙灘/三個泳池，根本就係一人獨自 酒店有機場巴士接送不過兩個鐘一班所以最後選擇搭的士 如果怕俾人呃錢嘅話記得上車之前叫司機（打錶） 由機場去海棠灣大約40分鐘左右，呢間酒店服務態度超好 本身我係一個唔鍾意返大陸嘅人，但呢度啲人都好有禮貌 酒店有三個泳池中間個泳池仲係恆溫，仲有個私人沙灘 本身諗住私人沙灘有機會係個伏，點知又長又大又乾淨，最緊要冇乜人 冇人的poolside bar 特別係酒店嘅早餐，如果要我俾錢我都捨得比 今次行程留咗三日，如果三日都留喺酒店，時間都唔夠用 酒店不只外型討好，內籠都好好，即使揀咗比較平嘅房型。 點擊圖片放大 我哋揀咗普通海景房， 但係全泳池景，連稅一晚唔使＄1000 但係酒店附近真係冇嘢買， 係正隔離那個免稅城但係唔會買嘢唔好去。 如果真係想買啲嘢飲，佢哋就叫我哋喺免稅城對着一條橋右手邊 會有一間超市， 如其話係超市不如話係Store 反正冇得揀都要喺嗰度買飲品， 但係酒店大堂酒吧唔錯 如果想一家大細來玩更適合，呢度好多設施專比小朋友 連食 Buffet都有專比小朋友嘅區域，有小朋友泳池 酒店資料: The Westin Sanya 豪華海景房: 大約9xx$一晚，尊貴海景房13xx$ 我建議豪華就屬已經可以了，裡面一樣多小小海景 Shuttle to airport 两個鐘一班 機場去酒店40mins around 但酒店去返機場如果shuttle 要90mins .的士快都要50mins 因為路段唔同 旅後感:渡假一流，機票平，唔洗用好多日請大假，短trip 除左要翻牆/淨係用到酒店wifi.(因機場係咩都冇得買) 會再來 更多相片/短片可到 FACEBOOK: 毛利 Molly Cheung Instagram : moneymollyxx
