離開稚內酒店，行高速公路沿住海邊，返札幌市，時不時停埋一邊影相，便利店買零食，還車後，去食靚牛和壽喜燒！ 係卡通片見到嘅烏鴉原來咁大隻〜 大約有手掌至前臂咁長！ 點擊圖片放大 +5 －－－－－－－－－－－－－－－－ 去到一個小鎮，大約二點半，餐廳都午市休息啦，所以係便利店醫肚！ 睇下呢嗰燒汁五花腩丼幾靚〜 又食泡芙 :P －－－－－－－－－－－－－－－－ 自駕遊最好就係見到有靚景，可以停埋一邊影相， 呢到近海邊，有風力發電嘅巨型風車。 －－－－－－－－－－－－－－－－ 返酒店放抵行李還埋車，就去搵嘢食，嚟到Shabusha餐廳 禅 ，和式設計有多款牛肉選擇，又可以選擇壽喜燒或清湯底，我哋揀咗國產和牛，滿哂雪花！當地人習慣加埋生雞蛋一齊食，令牛肉食落更滑身，質素高超推介，仲要係放題，唔係慳住食！ 禅 地址：北海道札幌市中央区南2条西1丁目，山口中央ビル地下 行過岀狸小路1、行前啲就到，餐廳位置係地牢 電話：011-219-6522 営業時間：星期一至日 17：00～23：00 http://www.mooshabu.com/ 點擊圖片放大 +4 點擊圖片放大 +5 食完就係狸小路散步返酒店〜 －－－－－－－－－－－－－－－－－－－ 倆老結婚25週年紀念＋兩個燈膽，8日7夜之旅！ [ 北海道 ] Day 1& 2 自駕遊 札幌市、男山酒廠、大雪山温泉飯店 http://www.mohkc.com/2016/08/hokkaido-day-1-2-sapporo-hotel.html [ 北海道 ] Day 3 搭纜車上雪山、層雲峽、救命烏冬 http://www.mohkc.com/2016/08/hokkaido-day-3-sounkyo-udon.html [ 北海道 ] Day 4 自駕遊 稚內夕陽、住宿介紹 http://www.mohkc.com/2016/08/hokkaido-day-4-road-trip-wakkanai-hotel.html [ 北海道 ] Day 5 自駕遊 道北稚內、皇帝蟹刺身、海獅仔 http://www.mohkc.com/2016/08/day-5-hokkaido-road-trip-wakkanai.html [ 北海道 ] Day 7 搭JR 小樽玩全日、大雪下的不浪漫 http://www.mohkc.com/2016/08/hokkaido-day-7-jr-trip-otaru-must-go.html [ 北海道 ] Day 8 食盡最後一刻、札幌二条市場 http://www.mohkc.com/2016/08/hokkaido-day-8-sapporo-fish-marke.html 札幌住宿，可以參考Day 1&2 博文 層雲峽住宿，可以參考Day 3博文 稚內住宿，可以參考Day 4 博文 更多旅遊介紹 http://www.mohkc.com/search/label/mohkctravel 多謝支持! 有更多相片分享可以到我嘅專頁 Mohkc’s :) MOHKC.COM https://www.facebook.com/mohkcshare/ https://www.instagram.com/mohkc/ －－－－－－－－－－－－－－－－－－－ 稚內至返札幌行程
