倆老結婚25週年紀念，舉家一齊去北海道玩！我緊係要去做腳架，幫手影相〜 半年前係專業旅運買定套票，除咗機票酒店，仲幫我哋book埋七人車，其中想入住一間“船長之家”嘅民宿，好可惜佢哋裝修緊，旅行社嘅職員幫我哋聯絡對方，真係麻煩哂佢！順利11月尾就岀發啦，一共8日7夜嘅"結婚週年(加兩個燈膽)旅行" 開始啦！ 夜晚去到新千歲機場，搭JR往札幌方向，約15分鐘一班車，搭兩個站就到札幌，過兩條馬路就到酒店，推介喔！ 落機即買starbucks咭！ －－－－－－－－－－－－－ Book咗兩間雙人房，房間有Wifi、電視、浴缸、乾淨整齊，面向馬路都市夜景，都好寧靜。 最緊要交通方便，又有好多餐廳商店係附近！ Gracery Sapporo 格拉斯麗札幌酒店 搭JR 由機場到酒店只需要36分鐘 地址：4 Kita 4 Jonishi Chuo-ku, Sapporo, Hokkaido 060-0004 Japan Tel：+81 11 251-3211 網站：http://sapporo.gracery.com 圖：Booking.com 點擊圖片放大 +6 酒店去JR站 4分鐘就到 －－－－－－－－－－－－－ 放抵行李休息陣，就去對面嘅Stellar Place Sapporo食晚飯，呢到係個好大嘅shopping mall，有好多餐廳選擇。我哋揀咗食日式咖哩！ 點擊圖片放大 +2 －－－－－－－－－－－－－－－－－ 散下步，係手信店、7-11搵甜品食〜 必買 7-11 朱古力吉士醬泡芙！！ －－－－－－－－－－－－－－－－－ Day 2 酒店樓下係地下商店街，食嗰早餐物先，吉野家早餐都有鰻魚丼點可以放過 哈哈！ 點擊圖片放大 +5 －－－－－－－－－－－－－－－－－ 食完早餐就係市中心行下，去到札幌市時計台，係殖民統治期間興建，從前係個軍事訓練大廈，又被稱為鐘樓，於1970年定為國家重要文化財產，都有旅客嚟影相，天氣凍，可以由行商店行過去！ 札幌市時計台 Sapporo Clock Tower 地址：北1条西2丁目 Address：060-0001 Hokkaido Prefecture, Sapporo, Chuo Ward, 由JR札幌站南岀口行10分鐘左右 網址：http://sapporoshi-tokeidai.jp 點擊圖片放大 －－－－－－－－－－－－－－－－－ 拎咗車就岀發啦，由爸爸家姐揸車，無幾耐就有休息站，又係時候食零食啦〜 北海道限定薯條同乳酪！ 點擊圖片放大 +2 細條泡芙一樣咁好食 嘿嘿 －－－－－－－－－－－－－－－－－ 揸大約兩個鐘，到男山酒廠資料舘，參觀下！有好多古老用具，又有得試飲，倆老都買咗3支，唔好醉駕喔！！ 男山酒造り資料舘 可以參觀半小時 Otokoyama Sakezukuri Museum 地址：北海道旭川市永山2条7丁目 Address：7-1 Nagayama2jyo, Asahikawa 079-8412 , Hokkaido 電話：+81 166-47-7080 網址：http://www.otokoyama.com/otoko_b/otoko_b2/ 試飲時間〜 一個人咁長 0.0 玩印仔〜 其實好輕架 哈哈 －－－－－－－－－－－－－－－－－ 我哋book嘅係和室，房間有榻榻米，睡床及客廳，可以比4位入住。酒店一共有三個溫泉，推介七樓一個可以對住山景，浸完一次溫泉就準備食晚飯啦，今晚有自選勝手丼。 大雪山飯店 ホテル大雪 │層雲峡温泉 かけ流し 地址：北海道上川郡上川町层云峡温泉 Address：Sounkyo-onsen, Kamikawa-cho, Kamikawa-gun, Hokkaido 078-1701, Japan 電話： +81-1658-5-3211 網址：http://hotel-taisetsu.com/contents/spa/index.html 點擊圖片放大 +3 和室房間 餐廳坐位好多 超滿勝手丼 ~ good night ~ －－－－－－－－－－－－－－－－－－－ 倆老結婚25週年紀念＋兩個燈膽，8日7夜之旅！ [ 北海道 ] Day 3 搭纜車上雪山、層雲峽、救命烏冬 http://www.mohkc.com/2016/08/hokkaido-day-3-sounkyo-udon.html [ 北海道 ] Day 4 自駕遊 稚內夕陽、住宿介紹 http://www.mohkc.com/2016/08/hokkaido-day-4-road-trip-wakkanai-hotel.html [ 北海道 ] Day 5 自駕遊 道北稚內、皇帝蟹刺身、海獅仔 http://www.mohkc.com/2016/08/day-5-hokkaido-road-trip-wakkanai.html [ 北海道 ] Day 6 自駕遊 折返札幌、巨型風車、和牛放題任食 http://www.mohkc.com/2016/08/hokkaido-day-6-road-trip-sapporo.html [ 北海道 ] Day 7 搭JR 小樽玩全日、大雪下的不浪漫 http://www.mohkc.com/2016/08/hokkaido-day-7-jr-trip-otaru-must-go.html [ 北海道 ] Day 8 食盡最後一刻、札幌二条市場 http://www.mohkc.com/2016/08/hokkaido-day-8-sapporo-fish-marke.html 札幌住宿，可以參考Day 1&2 博文 層雲峽住宿，可以參考Day 3博文 稚內住宿，可以參考Day 4 博文 更多旅遊介紹 http://www.mohkc.com/search/label/mohkctravel 多謝支持! 有更多相片分享可以到我嘅專頁 Mohkc’s :) MOHKC.COM https://www.facebook.com/mohkcshare/ https://www.instagram.com/mohkc/ －－－－－－－－－－－－－－－－－－－ 由札幌市中心、男山酒廠至大雪山飯店行程
