見到呢類相都會問：咁整齊點影架？點解無影嘅？ 近期都迷上影呢種Flat Lay，可以襯下衫之餘，你會留意到身邊一啲物品，顏色原來咁吸引！ 以下有一啲影相步驟同執相app介紹！ 買咗新鞋新袋、化妝品、首飾都可以呃下like！開始啦！！ 1. 留意光線 影相用自然光靚啲大家都知，對我嚟講會喺10點至2點半影，光線最好比較平均，避免陽光直射，3點後，太陽曬到入屋，物品嘅影就會太突出，光線因為窗框變得唔平均，其實加個柔光罩或牛油紙都可以解決問題，但比較麻煩。 2. 清場 時間光線ok，我會執走近窗邊嘅物品，等一陣影相。 3. 背景 要用白色背景，就係係文具舖買最大張嘅白紙，因為我影嘅物品比較大件，就係左、右、上面加多三張紙再加空間。 4. 擺位、顏色 個人鐘意放得整整齊齊，扁平物品放近自然光，高身物品放近反光板，啲影就唔咁突出。另外，顏色嘅選擇都好重要，建議唔好多過三種顏色，睇落會順眼啲，亦可以帶岀主題。 5. 反光 好重要反光板！用白紙都可以，幫你整走個影！ 有反光： 無反光： 執相時間！ 我主要用PS Express 執走瑕疵， 用Snapseed 局部調教光暗。 PS Express ： Snapseed： 會見到兩張底紙唔同色，用brush調教下就可以！ 大家自由發揮下啦！Enjoy :) [ How To Shoot ] 影食物相＊五大要訣 （初階） http://www.mohkc.com/2015/10/blog-post_26.html [ How To Shoot ] 影食物相＊五大要訣 ( 進階) http://www.mohkc.com/2015/10/blog-post_30.html [ How To Shoot ] 係屋企點影＊啤酒零食 http://www.mohkc.com/2016/05/how-to-shoot.html [ How To Shoot ] 係屋企點影＊微細甜品 http://www.mohkc.com/2016/06/how-to-shoot.html 多謝支持! 有更多相片分享可以到我嘅專頁 Mohkc’s :) https://www.facebook.com/mohkcshare/ Instagram / Facebook page/ ublog/ Pinterest/ TripAdvisor: mohkc 頭上插著筷子, 到處吃 mohkc.com
