由地鐵站Lavender岀，一邊行一邊影一邊食，有地道午餐、去“小印度”影靚相食雪糕、行國家博物館、夜晚轉到Toa Payoh食辣椒螃蟹，行程係咪好豐富呢！ 睇Youtuber介紹，呢間地道餐廳，位於住宅區，餐廳就只係賣肉脞麵同肉丸湯兩款，麵分咗4個價錢唔同大細，麵條彈牙調味帶酸好開胃，配料有豬肉片、豬潤、魚乾、雲呑及肉丸，再配紫菜湯，份量好足夠，午餐時段有好人幫襯，都要排半個鐘隊，可以提早啲去！ Hill Street Tai Hwa Pork Noodle - Tai Hwa Eating House 大華豬肉粿條麵 平均消費：SGD $9 /位 (HKD約 $54/位) 地址: 466 Crawford Lane #01-12, Lavender 電話: 6292 7477 MRT：Lavender －－－－－－－－－－－－－－－－－－－ 食飽就向行去Bugis方向，沿路會有啲商場可以行下，由餐廳行去“小印度”用十分鐘路程就到，建築物顏色鮮豔，吸引到好多人去影靚相。 Hajin MRT：Bugis －－－－－－－－－－－－－－－－－－－ 影完相係隔離就可以食個雪糕消消暑，揀咗西瓜雪糕配 Raspberry burst ，雪糕唔錯，但嗰三件流心嘅米糕，只係得個甜字無紅莓味，個人就覺得麻麻地，唔啱口味道，建議淨嗌雪糕仲有其他口味選擇，價錢仲平一半！ Brother Bird 平均消費：SGD $7.5 /位 (HKD 約$45/位) 星期三至一：10:00-22:00，星期二休息 地址: 30 Bali Lane, Arab Street 電話: 9800 7628 MRT：Bugis －－－－－－－－－－－－－－－－－－－ 食完雪糕我哋用20分鐘行到Art Museum，沿路有圖書館、SMU等教育設施，好多緣化建築物， 亦可以坐地鐵搭一個站去，Art Museum分有兩幢建築，部分展品豐有地道意思，另外新加坡國家博物館就係附近，分了不同時期，展出不同感覺的新加坡，外面仲有新人係到睇結婚相。 Singapore Art Museum 入場費：SGD $10 /位 (HKD約 $60 /位)，星期五傍晚18:00 - 21:00免費入場 地址： 71 Bras Basah Road 開放時間：星期一至日 10:00 - 19:00 (18:15後停止入場) ，星期五開放至21:00 https://www.singaporeartmuseum.sg National Museum of Singapore 新加坡國家博物館 入場費：SGD $10 /位 (HKD約 $60 /位) 地址： 93 Stamford Road, Singapore 178897 開放時間：星期一至日 10:00 - 19:00 (18:15後停止入場) http://nationalmuseum.sg MRT：Bras Basah －－－－－－－－－－－－－－－－－－－ 當地朋友話，嚟新加坡一定要食辣椒螃蟹，佢推介Mellben Seafood！我哋大約8點到餐廳，係門口就落單，要等一陣就有位啦，嗰日螃蟹炆米係時價要 SGD$75，一大隻大肉蟹，用咗黑胡椒好惹味，底部仲有好多炆米好夠飽，網友就話係Ang Mo Kio區嘅係老店，更加好食！ Mellben Seafood 平均消費：SGD $53 /位 (HKD約 320/位) 星期一至日：10:00-22:00 地址：Blk 211 Lorong 8 Toa Payoh #01-11/15 電話：6353 3120 MRT：Toa Payoh 另一分店 地址：Blk 232 Ang Mo Kio Ave 3 #01-1222 MRT：Ang Mo Kio 電話：6285 6762 －－－－－－－－－－－－－－－－－－－ 租用 Y5Buddy Pocket Wi-Fi 日本、新加坡、台灣、韓國四地Pocket WiFi 低至每日$25。 如果以現金付款及親自取還，可享每日＄５優惠 詳情： y5buddy.com 查詢電話： 35685757 | WhatsApp 54046590 －－－－－－－－－－－－－－－－－－－ ［新加坡］搭地鐵站去玩 ( 1 ) 松發肉骨茶、Botanic Gardens、The Halia、酒吧街 http://www.mohkc.com/2016/07/1-botanic-gardensthe-halia.html ［新加坡］搭地鐵站去玩 ( 2 ) 海南雞飯、展覽館、影相靚位、熊仔刨冰 http://www.mohkc.com/2016/07/2-tong-fong-fatt-maxwell-red-dot-design.html ［新加坡］搭地鐵站去玩 ( 4 ) 一個地方，三間吸like餐廳 http://www.mohkc.com/2016/07/4-like-antoinettearteastiqmeet-melt.html ［新加坡］搭地鐵站去玩 ( 5 ) 市中心必到景點 Shopping宵夜樣樣齊 http://www.mohkc.com/2016/07/5-lau-pa-satgardens-by-bay_48.html ［新加坡］搭地鐵站去玩 ( 6 ) 機場買手信最後機會、退稅設施 http://www.mohkc.com/2016/07/6-bengawan-solochangi-airport.html 多謝支持! 有更多相片分享可以到我嘅專頁 Mohkc’s :) Instagram / Facebook page/ Openrice/ Ublog/ Pinterest/ 大眾點評/ TripAdvisor : mohkc 頭上插著筷子, 到處吃 mohkc.com
