每日一起身，就準備好不停食食食，以下介紹Tanjong Pagar 一個地方就有齊午餐、飯後甜品同一個影相靚位，再去Raffles Place行街食喇沙，夜晚睇魚尾獅，放假生活就係咁簡單！ 睇咗新加坡YouTuber介紹Maxwell呢嗰food centre，佢推介東風發海南雞飯，雞肉嫩滑飯粒夠哂味，2點就賣哂啲飯喇，我地買到嘅係最後兩碟，真係好彩！呢到仲有天天海南雞飯，同一啲新加坡糕點。 東風發 Tong Fong Fatt 平均消費：SGD $3.5 /位 (HKD 約$21 /位) MRT：Tanjong Pagar (East West Line 綠色線) 地址：Blk 16 Bedok South Road #01-53, Bedok －－－－－－－－－－－－－－－－－－－ 由地鐵行去Maxwell，都會見到以下兩個地方，Singapore City Gallery展覽有關新加坡嘅城市規劃，播放同城市發展相關嘅錄影片段、建築物模型等。 Singapore City Gallery 免費入場 開放時間：星期一至星期六：09:00 - 17:00，星期日及公眾假期休息 地址：45 Maxwell Rd, The URA Centre, Singapore 069118 －－－－－－－－－－－－－－－－－－－ 食完海南雞飯就見到呢幢大廈，由頭到尾都係紅色，裏面都係一啲工作室，係個唔錯嘅影相靚位。 Red Dot Design Museum 地址：28 Maxwell Road, Ground Floor, Red Dot Traffic Building －－－－－－－－－－－－－－－－－－－ 行完成身都岀哂汗，食個刨冰就最好，係instagram留意到呢間熊仔造型刨冰，超可愛呀！分別點咗綠茶味同芒果味，都好好食，天氣咁熱真係要食返碗冰凍甜品喇，咁先有動力繼續周圍去！ Bingki Korean Dessert 平均消費：SGD $15/位 (HKD約 $90 /位) 營業時間：星期一至四 11:00 - 02:00， 星期五至日 11:00 - 04:00 Tanjong Pagar 7 Tanjong Pagar Plaza #01-106 －－－－－－－－－－－－－－－－－－－ 夜晚我哋隨意食一間喇沙，係海南雞咖哩麵，湯底好濃，啲麵夠哂彈牙，Raffles Place有好多熟食店，選擇種類多，其中一間叫老巴剎炒煲飯面，係當地朋友介紹，個名好特別，不過我哋晏咗今次就食唔到嚕，Food Centre有啲餐廳 7點前就休息，要留意喔！ Ah Heng Chicken Curry Noodles 亚王咖喱鸡米粉面 平均消費：SGD $5.50/位 (HKD約 $33/位) 地址：Golden Shoe Hawker Centre MRT: Raffles Place －－－－－－－－－－－－－－－－－－－ 由Tanjong Pagar 行去Raffles Place，大約二十分鐘路程，行下街食埋晚飯，去睇魚尾獅夜景就啱啱好！近海邊仲有好幾間酒吧，飲杯嘢欣賞下夜景都唔錯。 Ｍerlion Park MRT: Raffles Place 地址：One Fullerton, Singapore, Singapore 049213 －－－－－－－－－－－－－－－－－－－ 租用 Y5Buddy Pocket Wi-Fi 日本、新加坡、台灣、韓國四地Pocket WiFi 低至每日$25。 如果以現金付款及親自取還，可享每日＄５優惠 詳情： y5buddy.com 查詢電話： 35685757 | WhatsApp 54046590 －－－－－－－－－－－－－－－－－－－ ［新加坡］搭地鐵站去玩 ( 1 ) 松發肉骨茶、Botanic Gardens、The Halia、酒吧街 http://www.mohkc.com/2016/07/1-botanic-gardensthe-halia.html ［新加坡］搭地鐵站去玩 ( 3 ) 肉脞麵、小印度、國家博物館、辣椒螃蟹 http://www.mohkc.com/2016/07/3-tai-hwa-eating-house-singapore-art.html ［新加坡］搭地鐵站去玩 ( 4 ) 一個地方，三間吸like餐廳 http://www.mohkc.com/2016/07/4-like-antoinettearteastiqmeet-melt.html ［新加坡］搭地鐵站去玩 ( 5 ) 市中心必到景點 Shopping宵夜樣樣齊 http://www.mohkc.com/2016/07/5-lau-pa-satgardens-by-bay_48.html ［新加坡］搭地鐵站去玩 ( 6 ) 機場買手信最後機會、退稅設施 http://www.mohkc.com/2016/07/6-bengawan-solochangi-airport.html 多謝支持! 有更多相片分享可以到我嘅專頁 Mohkc’s :) Instagram / Facebook page/ Openrice/ Ublog/ Pinterest/ 大眾點評/ TripAdvisor: mohkc 頭上插著筷子, 到處吃 mohkc.com
