新加坡交通方便，搭地鐵就可以四圍去，去旅行時間有限，事前花啲功夫睇定啲景點開放時間、地址就方便啦，以下呢個行程有早餐、植物公園、午餐、晚餐Happy hour，夠玩一日！ 講起新加坡早餐，都會諗到咖央多士、半熟蛋再加一半咖啡，我哋特別早少少起身去食早餐，原來好似All day breakfast 咁咩時候都有會供應，好多地方都有得食，雞蛋用熱水浸 7分鐘，就變成半熟蛋，多士烘過搽上厚厚咖央醬，雞蛋加啲老抽就食得，一齊係街頭感愛一下。 －－－－－－－－－－－－－－－－－－－ 食完早餐就岀發嚟到Botanic Gardens，一岀地鐵站口就到，公園範圍好大，四圍都係植物，氣溫都幾高，最好帶樽水，著得通爽啲，行下都唔錯！ Botanic Gardens 公園免費入場 其中National Orchid Garden 入場費 : SGD $5 /位 (HKD約 $30 /位) 開放時間：05:00 - 0:00 MRT：Ginger Garden ( Circle Line ) －－－－－－－－－－－－－－－－－－－ 去到邊都係為咗食嘅我，喺到公園行到一半就到餐廳The Halia，坐位喺半開放式空間，感受到微風吹嚟好舒服，餐廳有西餐、漢堡包甜品等，我哋豪少少嗌份生蠔， 松露薯條同兩份甜品，店員推介嘅Banana Bread Weekend先有架！有焦糖、香蕉 、焦糖榛子、雲呢拿雪糕及海鹽合桃蛋糕，Must have chocolate 朱古力味濃郁，配紅桑子雪糕恰到好處，餐廳對面係婚宴場地，加上環境一定好有情調。 The Halia 平均消費：SGD $45 /位 (HKD約 $270/位) 營業時間：星期一至五 12:00 - 21:30 、星期六日及公眾假期 10:00 - 21:30 －－－－－－－－－－－－－－－－－－－ 行完公園，係另一邊岀口搭174巴士到Boat Quay，坐幾個站就到，又可以搭地鐵去，嗰晚6點就要排隊啦！肉骨茶可以無限加湯，味道似胡椒豬肚湯有啲辣，好食喔！可以送哂碗白飯so good。有網友提意去Chinatown嗰間，有冷氣可以嘆耐啲，仲可以自己帶靚茶去沖！ 松發肉骨茶 Song Fa Bak Kut Teh 平均消費：SGD $14 /位 (HKD約 $84 /位) 營業時間：星期一至日 11:00 - 22:00 地址：11 & 17 New Bridge Road #01-01 MRT：Clarke Quay －－－－－－－－－－－－－－－－－－－ 食完可以行穿過商場去到河邊，有條酒吧街，餐廳好多可以飲返杯！ －－－－－－－－－－－－－－－－－－－ 租用 Y5Buddy Pocket Wi-Fi 日本、新加坡、台灣、韓國四地Pocket WiFi 低至每日$25。 如果以現金付款及親自取還，可享每日＄５優惠 詳情： y5buddy.com 查詢電話： 35685757 | WhatsApp 54046590 －－－－－－－－－－－－－－－－－－－ ［新加坡］搭地鐵站去玩 ( 2 ) 海南雞飯、展覽館、影相靚位、熊仔刨冰 http://www.mohkc.com/2016/07/2-tong-fong-fatt-maxwell-red-dot-design.html ［新加坡］搭地鐵站去玩 ( 3 ) 肉脞麵、小印度、國家博物館、辣椒螃蟹 http://www.mohkc.com/2016/07/3-tai-hwa-eating-house-singapore-art.html ［新加坡］搭地鐵站去玩 ( 4 ) 一個地方，三間吸like餐廳 http://www.mohkc.com/2016/07/4-like-antoinettearteastiqmeet-melt.html ［新加坡］搭地鐵站去玩 ( 5 ) 市中心必到景點 Shopping宵夜樣樣齊 http://www.mohkc.com/2016/07/5-lau-pa-satgardens-by-bay_48.html ［新加坡］搭地鐵站去玩 ( 6 ) 機場買手信最後機會、退稅設施 http://www.mohkc.com/2016/07/6-bengawan-solochangi-airport.html 多謝支持! 有更多相片分享可以到我嘅專頁 Mohkc’s :) Instagram / Facebook page/ Openrice/ ublog/ Pinterest/ 大眾點評: mohkc 頭上插著筷子, 到處吃 mohkc.com
