從來都是由自己編排行程的我今天由男朋友帶路的情況下到Park Guell(奎爾公園)去。 由地下鐵出口後行行下回頭指著眼前的奪命長斜樓梯跟我說：「上埋去就到架啦！」 我個下巴跌到落地下再執返起咁應左聲：「嗯。」心想如果上到去比我發現你帶錯路我就請你食恆德能橡皮糖。 (呢張是問Google大師拎既圖，喘氣到咁我真係無心情影相。) 上到去見到呢個門口都有啲猶疑，似個普通公園多啲。 到到見到呢個牌個先可以肯定我既汗是沒有白流的。 上到黎其實已經係個山上面，好高好高，仲可以飽覽巴塞隆納！ 最開心係，今日天氣真的好美。 一入到去係一個宏大的公園，有著很多不同品種的花草樹木。 再一路向中心點行就會看見很多不同的小攤檔，咁就代表黎Park Guell的重頭戲不遠矣。 由於整個公園中心的一大part是要收費的，我們因為要趕下一個景點，所以先到收費區影返輯好沙龍，不想白白浪費大好太陽。 先影入眼簾就是這個圍了一大圈號稱是全世界最長的公園長櫈。 除了可以給大家歇一歇腳，還是個觀賞美景的重要圍欄。 每一寸長櫈上面都鋪滿著不同顏色的馬賽克磁磚，十分色彩繽紛(樂)。 我最私心粉紅色。 仔細咁欣賞仲會發現石櫈外面都是滿滿的圖案，有雞仔有魚仔，都是大自然動物的圖案。 而且不是只顧外觀美麗的高第更聰明地留有不同的小洞，方便下雨時排水，實為細心。 而呢啲狗仔口也既是裝飾又是排水口，真的是天才好不好！ 往下面走就會發現有很多圓柱而成的大空地 別以為沒什麼心思，把頭一向上望就會知高第絕對不會膚衍了事。 整個天花也有馬賽克的影子，十分有驚喜。 唔好意為得啲圓柱就無野好影，我同男朋友影左套微電影咁制。 「我地玩躲貓貓啊。」「你睇我唔到，你睇我唔到。」 拍完套電影再行前少少就會見到鎮園之寶：龍 (雖然我點睇都覺得係隻蜥蜴無誤) 雖然唔覺得佢可以靚到做最大賣點，但離開巴塞後真的會掛念它。(它的咀又是個排水口) 終於親眼看到這兩棟現實版的糖果屋，無論形狀同色調都二百分。 這個是要再付錢的博物館，我們拍下到此一遊就算了。 而這個就是免費進內的紀念品店，應該是最美的一個紀念品店。 入面有好多都是建築鬼才高第設計既傑作的postcard，全景又有closeup又有。 當然少不了呢個當紅的龍。 還有很多高第建築的書本。 另外發現從二樓往外拍會拍到好靚的整個大概。 然後由於我個偉大既男朋友將呢個公園同聖家堂編埋同一日，要趕係日落前去哂呢兩個地方真係唔可以慢慢行，搞到最後唔記得行埋免費區就急急腳咁走左了。 後來發現我們把整個超紅的高第之家忽略了！(那幢粉紅色美慘的大屋喔。) 後記： 回家後不斷爬文想多了解這裹，被我發現到當天的我原來無辜地行了百級樓梯！！！！ 人地既男朋友，如果你地要排行程真的要做足功課爬爬文⋯⋯ 不然，明明有公車到公園，明明斜路有扶手電梯，但卻帶女朋友一起爬樓梯。 承！何！體！統！ ———————————————————————————— R E A D / M E / M O R E Facebook: https://www.facebook.com/thelandbeforetimee/ Instagram: https://www.instagram.com/thelandbeforetime_/
