假日約左友人到太子花墟行下 行完友人說想搵CAFE坐下傾計 於是搵到呢間樓上CAFE - 難得糊塗Folly Bliss Tea Cafe 位置唔難搵，由花墟行過去都算近 上到去成個感覺都好開揚加上周邊光線非常充足 仲有呢到最特別之處就係有個品茶區域 加上有位駐場茶藝師父係到 如果你想飲茶既當然無問題!~ 飲品MENU可以點茶類嫁 下午茶時段大多都係CAKE SET或輕盈食物為主 我地要左個藍莓芝士蛋糕，飲品要凍咖啡 淡奶分開上 想加幾多就幾多 另一份要黑松露炒滑蛋多士加桂花普洱茶 一上枱撲鼻既黑松露香味已經令我迫不及待要試啦~ 桂花普洱茶亦都係另一要試既飲品 桂花味非常香濃當飲完一啖桂花味留係口腔到好耐有回甘既味道 店員貼心地上前幫我地郁一郁茶包令茶包更平均 而且有個小蠟燭座令茶一直保持微暖 呢點值得加分!! 飲到差唔多店員仲問我地需唔需要加水 真係可以係咁嘆茶 休休閒閒地過一個下午 人客漸多，點餐既人亦漸多 廚房既油煙味慢慢漸湧出離 抽風系統希望有待改善~。
