就快到復活節假期， 諗好同一班朋友去邊度玩未呢？ 見到朋友去台灣旅行，IG post咁多靚相出嚟又有咁多人Like， 自己都想影一啲有特色嘅相。 最近發現咗一個必去的IG呃Like貨櫃！ 就係位於元朗劇院旁邊嘅賽馬會港文化港創意， 入邊有貨櫃、有稻草又有鞦韆，真係好啱影相。 今次我就帶大家嚟到呢度（文章結尾有前往路線）， 睇吓有乜影相位。 賽馬會港文化港創意正門 喺正門已經見到香港傳統節日特色，就係「撘棚」， 通常喺香港得天后誕同埋青衣戲棚先會見到。 (這不是影相位啦） 影相位（一）稻草 點擊圖片放大 影相位（二）貨櫃 點擊圖片放大 +2 呢度嘅貨櫃有藍色又有黃色， 可以揀自己鍾意嘅顏色影相。 最鍾意就係貨櫃上面都陪畫左一啲圖案（是不是叫塗鴉？)， 相比在台灣同韓國嘅貨櫃更加有特色。 影相位（三）發光的膠樽吊飾 喺貨櫃入邊都會有唔同嘅展覽， 我身處呢個貨櫃有發光的膠樽吊飾 （其實我都唔知道佢個展覽叫咩名，是我作的名字啦！） 喺日光下加上膠樽入邊嘅光， 用相機影出嚟嘅相真係好有feel。 影相位（四）貨櫃千秋 喺呢個貨櫃入面就有一個千秋， 係以前嘅年代通常兩條繩索末端繫一塊木板， 又好似呢個千秋咁樣。 影相位（五） 呢個位置可以比情侶或者同閨蜜一齊影～ 另外當然有唔少值得欣賞嘅工藝品啦， 就好似前面呢個天燈咁樣。 點擊圖片放大 +2 賽馬會「港文化‧港創意」 日期：即日起至4月23日 地點：元朗劇院對外空地 （逢星期三至星期日及公眾假期中午12時至晚上7時） 《前往賽馬會港文化港創意的行人路線》 巴士: 經元朗（西）巴士總站及元朗廣場，越過輕鐵豐年路站馬路，經元朗警署、新界鄉議局元朗區中學及趙聿修紀念中念中學，前往元朗劇院 港鐵: (a) 西鐵綫朗屏站B出口，經行人天橋及元朗廣場，越過輕鐵豐年站馬路，經元朗警署、新界鄉議局元朗區中學及趙聿修紀念中學，前往元朗劇院。 (b) 輕鐵豐年路站經元朗警署、新界鄉議局元朗區中學及趙聿修紀念中學，前往元朗劇院。 希望大家喜歡呢篇文章啦～ 其實香港都有好多特色嘅地方， 我會繼續同大家發掘一啲影靚相既景點！ ————————————————————————————————- 歡迎邀稿/合作試用/出席活動: To Connect On: ♥ Email: miki.suet@gmail.com More Reviews on: ♥Beauty Exchange/ ♥ Beauty blog/ ♥ Blogspot ♥She.com/ ♥itrial/ ♥shewin ♥Qooza Beauty/ ♥elle.blog/ ♥theztyle ♥weibo/ ♥Fanpiece/ ♥Weshare ♥ / ♥ ESD Life/ ♥ pixnet ♥ Facebook/ ♥ Instagram
