出走的意義我相信有好多人都寫過，但係每個人嘅原因同定義都有所不同，而我嘅定義係.... 我第一次自己搭飛機係我11歲嘅時候，當時係去探親戚，雖然有人協助但係從未試過自己一個坐飛機嘅我，係飛機起飛前十分之緊張但到最後都安全抵達加拿大。係嗰個時候我同自己講一個人去旅行其實都唔係一件可怕嘅事, 出走成為一件令我有成功感嘅事 第二次係我17歲嘅時候，我參加交換生計劃，自己一個去到美國印第安立州。 一個無亞洲人嘅地方令我學懂去認識其他國家嘅文化同學習當地語言,認識不同國籍嘅朋友, 建立起我嘅自信 由嗰時起， 我開始有一個不切實際嘅夢想，就係喺畢業之後到不同國家居住，直至找到一個喜歡嘅地方安定落嚟，去世界各地認識不同人，學習同體驗其他人嘅生活，了解當地文化世界咁大，有很多事物我都唔清楚，去了解同認識最好嘅方法就係出走或者旅行，我從來不喜歡做井底之蛙，由19歲開始我不斷去旅行，每一次都有不同收穫，直至現在，搬離香港，到英國居住，很多時候訓練自己的耐性同堅持，漸漸學會長大學會獨立，呢個係我出走嘅意義 我希望可以同大家分享我到過嘅地方，我所見過嘅事物，亦都希望可以戒掉半途而廢嘅習慣文法差請原諒 "離開是為了回來"，離家。出走大概是這個意思吧
