圓圓的旅程 話說呢個係Travel Blog影結婚相既準備就唔詳細講啦 我地不如講下計劃行程既準備 1)住宿 a) 杜拜市區 有睇開我個BLOG都知我最鐘意揾性價比高既玩意同住宿 如果大家有做少少research都知杜拜酒店如果近Downtown (即Dubai Mall附近)都唔平 計劃既時候又未決定揸車定搭公共交通 我就用以下條件做排除法去揀酒店 ： 10分鐘內可以行到METRO 有免費停車場 Sheikh Zayed Road兩旁 (睇杜拜地圖就會見到呢條係杜拜既主幹道,揸車的話係四通八達) 價錢低於HKD$1500晚 最後揀左呢度,一次滿足4個願望 酒店房望出去就係傳說中既Sheikh Zayed Road b) 沙漠Resort 因為想影靚相所以一早決定其中一晚住Resort (難忘回憶係跟你一世架), Research之後發現有三間都唔錯： Anantara Qasr Al Sarab Al Maha Ba Bal Sham 最後揀左Ba Bal Sham,因為平D,好有feel呀 Ba Bal Sham Resort 2) 交通 a) 揸車 睇開新聞都聽過阿聯酋D油仲平過水,又有4條行車線,speed limit係120-140km/hour,又大把地方泊車 一次過解決你唔想係香港揸車既理由,實在相當誘惑 b) Metro 睇地圖會見到Metro覆蓋相當好,紅色線同綠色線可以直通主要地段,如果去Old Souk 個邊都係一個唔錯既選擇 不過記住星期五下午先開車呀 (是的,我買了一個教訓) 3) 文化 (了解當地文化會相當幫助你Plan行程) a) 杜拜放假係放星期五同星期六 (即係等於我地Weekend) 星期五好特別, 如果你咁岩星期五去就要留意下啦, Metro下午先開 除左大型商場,一般店鋪都下午先開 (當地人通常會係呢日食Brunch,鐘意食Brunch既你不妨留意下) 清真寺會有禮拜 下午先開 b) 衣著同行為對外國人既規管冇咁嚴,但都可以尊重人地既文化 4) 心情準備 去旅行要Chur定要Chill? Plan到好密定係到時先諗? 要唔要諗埋PlanB? 圓圓的旅程 下一篇： 計劃趕不上變化,係呢6日入邊好多臨時決定,好多突發野面對⋯⋯⋯⋯ 我地係當地時間星期五7am到左 Book左Sky Dive點知能見度好低 攝影師突然話要加錢先車我地返酒店 免費五星酒店土耳其浴Offer
