間置左篇blog 好耐都無打，估唔到有咁多人睇到， 所以係時候出第一日既遊記喇 (´･ω･`) 濟州機場資訊 原來班機早上6:20分先到 , 點知5:50分已經到左, 又點知濟州機場原來唔係24小時服務??? 6點鐘先會開櫃台服務, 而我去到濟州市係hostel聽代購既同房講, 濟州機場凌晨係漆黑一片加上一個人都無! 本身我回程係早上機,想慳錢唔住一晚, 但聽完咁講, 所以打消左凌晨訓機場既念頭（*ﾟДﾟ） 另外, 大家一定好關心機場交通 機場出入既交通大致可以分三種： 1. 機場巴士(600 路) 於機場Gate 5出口 沿途會經過以上依D站, 唔知自己酒店近咩站都唔緊要, 去到上車同司機講酒店名/地方名, 佢會幫你禁你既車費(´･ω･`) 大家可以參考: http://cn.konest.com/contents/airbus_map.html?no=188 2. 市內巴士/ 市外巴士 於機場 gate 2出口 分別會有36 37 38 70 90 95 100 200 500 路既巴士搭 都係上車既時候同佢講要去講度就可以 (ゝ∀･) 咁點樣知道你要搭邊架車呢? (’・ω・‘) a. 你可以出發前check 去由機場去住宿搭既巴士 b. 懶人方法(≖‿ゝ≖)✧ 去到當地用google map search 真心成個旅程多得google map我先可以唔識韓文又唔洗打的周圍玩(￣▽￣)~* 用google map 既小提示會係下面講 ~ 3. 的士 於 gate 2出面 對面 不解釋 （ ￣ー￣）ﾉ 最方便既方法, 但留意你住既地方係邊一區 以我住宿為例, 住係機場格黎既新濟州, 車程只需15分鐘內, 我回程果日同左同房一齊搭(因為凌晨無巴士哦) 一共4xxx won (約 30 hkd 內) 咁近既話我覺得還可以, 但如果你住濟州島東面南面, 例如西蒲市之類, 咁就會貴好多, 因為搭巴士估計車程, 去南邊1.5小時左右, 去東邊起碼2小時 (￣o￣) . z Z 咁視乎你財力喇 v(￣︶￣)y 著陸喇 (๑´ㅂ`๑) 話說今次坐凌晨機出發 成日都搭飛機既我諗住都會訓到喇~ 點知飛左1個鐘左右開始頭痛到要裂開咁制 以前都搭過幾次凌晨機, 仲要長途, 都未試過會咁樣 〒.〒 就經辛苦終於落地喇 (￣口￣)!! 去到機場就出左去搭機場巴士600路去新濟州市蓮洞街 因為當時只係6點鐘, 無可能check in 架喇~ 所以揀左去樂天桑拿, 玩下汗蒸幕, 順便訓下教（￣￢￣） 咁我就同司機講要去 grace hotel, 因為係樂天桑拿附近, 車費 1300 won (hkd 9) 當時可能太早, 成架車得我一個 ㄟ(￣▽￣ㄟ)|| 落左車, 係條大街上面, 一個人都無!!!ლ(ﾟдﾟლ) 咁都正常既, 落車都仲未到朝早7點 咁就去7 仔買左個早餐食 1900won (hkd 13) 食食下有個紅毛飛佬坐左係我格黎同我講韓文, 我心諗我又累又頭痛又殘又聽唔明, 放過我喇 ヽ(o’Д`o)ノ 樂天桑拿 之後跟google map 去左樂天桑拿做汗蒸幕 (南韓 Jeju-do, Jeju-si, Yeon-dong, 262-4) 就咁係google map search 樂天桑拿跟住佢行就得 去到google 教既地方, 就會發現係一棟樓, 有好多唱K同網吧既地方, 門口泊左好多架車, 樂天桑拿就係 6樓 , 入去搭lift 上到上, 右手邊就係門口! ヽ（・∀・）ノ 入到去首先比錢, 價錢: 淨係桑拿(即伙大澡堂, 成班咩衫都唔著浸溫泉咁XD) 5000won (35 hkd) 汗蒸幕加2000won (14 hkd) 之後佢會比張單同key 你, 你要入去搵返自己果格既號碼放鞋, 然後入去比張單佢, 佢會比套衫你, 但因為我又唔識韓文, 佢又唔識中英文, 所以唔知佢叫我去做咩 (´･ω･`) 只知道去 locker 擺野 ~~ 之後我參考左正確做法 (好似係) 首先除哂衫, 底衫鞋都除哂!!! （▼皿▼＃ 好尷尬(>////<) 先去澡堂(6樓, locker 格黎) 沖個靚涼 之後去浸個溫泉, 之後去著返佢比你既果套粉紅色衫 可以落去5樓玩汗蒸幕 ╮(╯◇╰)╭ 之後可以hea 下, 買下雞蛋食 ~ 咁我就調轉左黎做 XD (我諗無咩所謂既) 落左去汗蒸幕先, 間間都開門feel 下溫度, 門口都有寫的~ 揀左間30幾度既唔知咩鹽, 入到去得一個男人, 好尷尬again Ψ(￣∀￣)Ψ 之後佢見我入黎(?) 就走左, 咁我就訓左係度幾個字 就覺得爆眼訓爆頭痛, 出去左大廳訓教 由7點半訓到11點 (#￣▽￣#) ~ 滿足哂 真心覺得最岩凌晨機爆累既人黎玩 之後落去沖涼, 浸下水, 換返衫就走人喇~ 新濟州市閒逛 + 水冷面午餐 岩岩訓完一覺, 精神左十萬倍 :D 即刻去周圍搵野食, 係樂天桑拿附近有好多野食架! 因為始終近蓮洞購物街, 屬於係旅遊區哦~ 咁我就求其揀左一間面店入左去, 水冷面係我每次去韓國必必必必食既野, 因為凍冰冰又酸咪咪實在好開胃~ 因為求其入既關係, 唔知道地址係咩 haha 反正咁多間, 可以慢慢揀 ヽ（・∀・）ノ 都幾好味 (´･ω･`)~~ 承惠7000won (hkd 48.5) 溫馨小tips : Copy 定你既住宿地址係手機note, 咁你去到邊玩都可以快快脆搵路返屋企喇*\(^_^)/* ＞＞一個背包女生。五日四夜。濟州島遊記。第二日(城山日出峰) 附google map使用方法＜＜
