乳房疼痛等於有乳癌?同你認清咩叫乳癌


瀏覽次數:244
發佈於 2019.04.08

好多人包括我自己在內都曾經認為胸大會較易有乳癌,而且乳房疼痛就一定係乳癌,其實大錯特錯!

其實大部分乳房問題都係良性既,乳房硬塊可能係乳腺纖維瘤或者係乳腺水瘤,而疼痛可以只係簡單既月經前既生理脹痛。而且乳癌不單只女性,男性其實同樣有機會患上,所以胸部大小同乳癌發生既機率完全無關。

點解無啦啦同大家講乳癌?因為今時今日乳癌係本港女性常見癌症既第一位而且有年輕化趨勢,我作為一個女性當然係十分關心!

唔少人都想知咩人先係患上乳癌既高危人仕,大致上可以分為四種-平均風險、增加風險、高風險和極高風險。

  • 第一類平均風險,就是指四十歲以上的女士。作為女性,乳癌威脅佔首位。年紀越大,乳癌機會越高,唔會因為收經後而減少。
  • 第二類增加風險,係指同年齡群,乳癌風險增加二至五倍。包括以下各危險因素:與荷爾蒙有關的,有從未哺乳或懷孕、12歲前來初經或55歲後停經、收經後長期服用雌激素;與生活習慣有關的,如每周運動不足三小時、超重或肥胖(BMI 23或25以上)、飲用過量酒精、食物以肉類或高動物脂肪含量為主。
  • 第三類高風險,係指同年齡群,乳癌風險增加五至十倍。包括個人或家人曾經患乳癌、非典型管道或小葉增生、小葉原位癌。
  • 第四類極高風險,是指同年齡群,乳癌風險增加十倍以上。包括30歲前曾接受胸廓電療,例如淋巴癌患者;或帶有變異基因,如BRCA1或BRCA2。有關更多關於BRCA既資訊,可以click呢條link睇下啊:https://www.hkioc.com.hk/zh/unmasking-the-women-silent-killer/

 

乳癌貴為女性患癌比率首位,我有一點建議比以上四類人士:
第一、二類,建議做乳房超聲波驗查,而40歲以上女性,每年做一次乳房X光造影。
第三類,則每年做一次乳房X光,開始年齡是比患乳癌家族成員發病歲數提早十年,及考慮服用藥物預防,如三苯氧氨。
第四類,則建議25歲開始,每半年做X光或磁力共振,再加上超聲波,及考慮藥物預防,或進行預防性雙乳切除。

*資料來源:https://hk.news.appledaily.com/local/daily/article/20180420/20366892

當然仲有一種更簡單既自我檢查,大家可以每個月經期完之後既2至3日後跟住做既:

  1. 脫去衣服,舉起雙手,在鏡前觀察乳房有否異樣。
  2. 手指合攏,在乳房內側作平壓繞圈按摩,留意有否硬塊。
  3. 用同樣的方法檢查乳房外側。
  4. 檢查腋窩及乳房之間位置,留意有否硬塊。
  5. 輕捏乳頭,留意有否出血或有異常分泌物。

*資料來源:https://www.famplan.org.hk/zh/health-info/common-gynaecological-diseases

 

大家記住定期驗查,少食高脂食物,多做運動,有bb既媽媽可以嘗試餵哺母乳,因為依啲通通都係可以預防乳癌既方法。若果不幸發現乳房有任何異樣,亦要記住及早搵醫生診斷,因為越早發現,康復既機率就越高。希望依篇文可以幫到大家同我一齊遠離乳癌!

想知更多關於乳癌既知識,可以睇下呢頁:https://www.hkioc.com.hk/zh/cancer-types-2/breast-cancer-2/

鍾意我嘅分享可以Like我地Facebook同IG比個支持我!會更快知道我既Update架!

Facebook:https://www.facebook.com/90sMummy/

Instagram: https://www.instagram.com/minarainlo/

*本站之內容由作者所提供,並不代表本站的立場。因此本站對所有博客的立場、真實性、準確性及完整性不負任何法律責任。

相關話題

收藏此文章
  • Facebook分享
  • WhatsApp分享
  • Line分享
  • 複製連結

發表評論

{{commentText.length}}個字
全部評論 {{comments.length}}

作者最新文章

更多女生文章推薦