今次同大家分享4個品牌, 5款潤唇膏嘅好用程度 1.Akachan 係BB用品店買, 原本買嚟俾我BB用, 但我試過之後發現有一陣礦石油(早期護膚品添加劑嘅一種)嘅味道, 所以唔敢俾BB用, 自己用咗一排都頂唔順佢個陣味, 棄用. 真係想問問個間舖, 呢種產品叫純天然???適合BB使用??? (Badlist佢) 2. Crabtree Aloe Vera Lip Balm 滋潤得嚟, 皮膚好快就吸收晒, 覺得有一陣淡淡嘅玉桂香味, 冇發現異常氣味, 乾性肌膚嘅mifmi覺得夏天使用最好, 值得推薦. 3. Baby Pink Glossy Lip 因為之前買俾BB嘅潤唇膏唔啱用, 所以要買過, 發現呢隻冇顏料色素, 冇香料味, 亦冇任何其他氣味, 放心俾BB用, 用過一段時間後亦没有出現敏感或其他狀況, 所以一路keep住用. 4. DHC Lip Cream 十分滋潤, 非常美觀, 可惜容量很少只有1.5g, 有唇膜嘅功效, 用後嘴唇有一層保護膜滋潤着, mifmi習慣夜晚睡前使用, 能夠發揮最有效滋潤及保養唇部肌膚嘅功果. 5. Crabtree Jojoba Oil Lip Balm 是5枝潤唇膏中性價比最高的, 滋潤度十足, 有4.2g十分抵用, Jojoba oil 真係好潤, 可以係嘴唇上形成保護層. 係對付甩皮, 爆拆嘅好幫手, 亦係mifmi大大推薦的lip balm. 希望大家喜歡mifmi嘅分享
