yahoo blog 累積瀏覽 1029 Day 1- 台中清境遊 - 埔里 - 新社 - 清境 12月21日 港龍 KA490 ETD 1130, ETA 1300 $1656/p 今年破晒記錄, 12月仲有22度. 天朗氣清在香港 1200起飛, 可以準時 1300到達 台中機場地方很細, 比起我地紅磡火車站還要細 (唔講仲會以為是巴士站) 過關時見到台中機場都有落地簽証 counter. 仲見到兩個大男人傻下傻下無預先在香港辦妥簽証就去過關比人叫番出來, 最攪笑係, 身上完全無台幣, 真係會有些人出遊, 會大安旨意到如此地步. 就算諗住在機場才換錢, 都要無諗下有邊個機場未過關就已經有找換店呢 ?? 我們約了民宿的林先生在機場接我們, 他十分準時. 一上車就話車我們之前講好的地方 - 新社花堡(莊園) 由機場去新社要大約1.5個小時, 他到達了新社後就先車我們到新社花海看看是否所有花都被移為平地 (因為花海的 show time 已過), 去到時所有花已做晒花肥, 花海已經變了平地 "2008年新社花海活動 2008年11月8日開始，活動至 2008年12月7日為止，共為期一個月" http://www.flower-sea.tw 片中的平地全部都是原本花海的位置 原本我們的行程計劃去新社花堡 http://www.summit-resort.com, 但因為言語上的誤會, 林先生以為莊園內無花就直接車了我們去埔里酒廠 (無計啦, 鬼叫我D國語差咩). 由新社去埔里, 我們走了一條九曲唔知幾多彎的山路差不多一個小時到了埔里市的酒廠 一落車就買野食定定神 (因為轉到暈暈地) 酒廠無什麼特別, 只係一個買手信及食野的地方, 買下食下就行了1粒鐘. 試過出名的冰棒及紹興香腸都好好味, 我地仲買了酒釀, 姜糖, 丁丁糖回香港 因為冬天, 5點天就開始黑, 大約1小時就已經到達清境維也納民宿, 今晚清境很凍, 車外只得2度. 這是我們頭3晚入住的景觀情人房 NT1920/n (有點點似桑拿房), 間間房都有獨立陽台 房租包了早,晚餐, 晚餐可以楝碟頭飯或火鍋, 出面得2度, 當然要個 sabu-sabu 暖暖身啦. 餐廳仲有個火爐, 好有歐洲小屋 feel 呀 食飽了, 加衣後去附近的 7-eleven & 世界最高的 Starbucks 行行. 路程不遠, 只需要行5分鐘就到, 但係清境的路完全無預路人甲乙丙, 天黑黑+無街燈, 就算我地帶了電筒都要十分小心行, 怕各位司機大哥睇唔到我地..........如果道路設計改善一下就最好了 我們到了1743公尺的 7-eleven & Starbucks 啦 除了7仔, Starbucks 外, 仲有個小商場, 賣各式各樣的小手信. 魚生真係高手, 連肉眼見到唔多吸引的小玩意都影得好似好吸引咁樣
