襯青春去一趟「緬甸」吧！ 一共十日 ，只用陸路踏足緬甸3大城市超過20個寺廟！說真的，呢趟緬甸之旅有夠瘋狂－ 「BNO入境險被遞解返港」「亡命逆線夜巴」 「敏貢河船失蹤流落荒島」「蒲甘爬四層高佛塔睇熱氣球日出」「開天殺價包車上大金石」「50人豬籠皮卡車上山」！返嚟香港一日後，而家回想起好似一場夢，但係一場超冒險嘅夢，好開心係廿幾歲嘅我完成到呢個旅程！ 去緬甸如果唔係跟團，一定一定要做足功課！呢次Plan行程真係唔簡單 雖然去緬甸旅遊唔係新鮮事，但自由行嘅人真係唔多，大部分都係靠睇台灣人的Blog 同外國Backpacker的Vlog！ 長途巴士攻略 如果講節省時間的話，一定係揀搭內陸機，但都有一定嘅潛在風險 當我係掙扎搭夜巴定飛機嘅時候 我睇到呢個新聞！ 即刻打消內陸機嘅念頭，熱血一次挑戰搭夜巴！ 但其實每日都有唔少旅行團 乘搭內陸機去唔同城市，也許都係一次意外！ Link: https://newtalk.tw/news/view/2019-05-13/245920 價錢來說真係無得比，如果係年輕／背包客 建議可以搭夜巴 沿途睇下風景仲有緬甸的休息站，可以體驗更多！如果帶父母／退休人士 就不太建議咁辛苦啦！ 航線 內陸機 夜巴 (JJ Express) 仰光 － 曼德勒 $700 - 1000 First Class $150 (USD19) Premium Class $100 (USD12) 蒲甘 － 仰光 $666 – 1000 Premium Class $100 (USD12) From Skyscanner ------------------------------------------------------------------------------------------- JJ Express 分享 (Tips for taking JJ Express - Yangon, Mandalay, Bagan) 緬甸經營長途巴士的公司 其實有好多，不過大部份旅客 都揀JJ Express， 無可否認佢嘅服務真係最好！而且100－150 的價錢已經好平，用一種較舒適的方法去體驗 對自己好啲Haha！ 仰光長途巴士站 （Aung Mingalar Highway Bus Station） 仰光長途巴士站有分Gate 1－5， 一個好大型嘅客運站, 最好上車前同司機講定你搭嘅巴士公司名，然後叫佢係公司門口停低！如果唔係夜晚係咁繁忙又多大巴嘅路行走 好危險！ JJ Express 位置係近閘口，紫色嘅招牌好易認。 由市中心酒店（Hotel G）係繁忙時段7：45 出發，都係大概用咗1個鐘！記得JJ Express 同大部份巴士公司 都要求係出發前30分鐘－1小時到達櫃位登記！因為巴士係準時開車唔等人架～ 1）仰光 － 曼德勒 巴士公司：JJ Express 價錢: USD19 (HKD$159)-First Class (2+1) 時間：2130pm-0500am (17/11/2019) 車程：7.5Hr 休息站：1個 （停留30分鐘） 市中心－巴士站 交通：Grab ~6000Kyats 夜晚嘅車站有啲打仗嘅感覺，好多唔知做咩嘅本地人／賣嘢食的小販／超多的士司機搶客！ **如果坐的士／TUKTUK 入車站的朋友，記得要準備多200緬幣 因為會有人係門口向司機收「入場費」，冇錯你入個車站要過路費 而呢堆人冇職員證冇制服！********* 仰光出發呢程係唯一一次坐到First Class （每行2+1 座位），座位闊落 座椅的軟熟度好似坐係梳化咁。Legroom足夠170Cm 嘅人伸直，好似按摩椅咁有腳踏拉平 承托著小腿！背椅可以挨後 差不多平躺的角度！每人有薄毛氈，車廂嘅溫度都幾凍，我要着長袖加風褸保暖！ 點擊圖片放大 車上餐飲 FirstClass 乘客除咗基本的 支裝水，膠袋，毛氈外， 乘務員會係開車前派發一個小食盒！（因為開始眼瞓，所以開車之後完全忘記咗影入面）！小食盒內有蛋糕，餅乾，同埋好似雞批嘅酥皮包，份量都係茶點的Size，味道尚可！ 休息站大概係半夜12點到達， 司機會停車熄匙 所有乘客都要落車！主要原因停休息站係俾司機休息，同埋迫你係休息站消費！大部份人都會去廁所，幾意外唔使錢 而且相對乾淨！休息站有餐廳，裡面有啲手信買下！門口亦有唔少本地人係地下擺檔，如果腸胃唔係太好嘅朋友 奉勸大家唔好試，因為之後嘅5－6個鐘冇停站！所以就算唔急，點都去一次廁所。 ******曼德勒長途巴士站－市中心 （免費接駁車）******* 係仰光上車之後，乘務員會逐一問你會係曼德勒 BusStop OR DownTown （市中心）落車! 由於巴士站同市中心有至少30分鐘的路程，好意外可以係市中心落！到達曼德勒巴士站附近，乘務員會叫到市中心的乘客 轉車！換到一架16座的旅遊巴，再係曼德勒火車站落車！搭番去酒店都係10分鐘，係零晨時分 真係方便咗好多！ 2）曼德勒 － 蒲甘 巴士公司：JJ Express 價錢: USD7 (HKD$58)-Premium Class (2+2) 時間：0800am-1300pm (20/11/2019) 車程：5Hr 休息站：1個 （停留20分鐘） 市中心－巴士站 交通：Grab (Tuktuk) ~5400Kyats 點擊圖片放大 旅程的第六日，轉去第三個城市「最期待的 蒲甘」！同樣1小時前去CheckIn ，有室內同室外坐位等候。曼德勒的巴士站有一種現象，當你登上車前會不斷有僧侶入嚟要求施贈！PremiumClass 2+2 的座位，皮嘅坐椅 都唔差 位置比First Class 窄啲，但依舊可以伸長同躺平！ 點擊圖片放大 休息站係9點多到達，由於大家都食晒早餐先出發。所以大部份人都係坐係餐廳門口等候 開車，呢度的休息站餐廳比較似展覽廳，有好多木造的紀念品。 ***蒲甘巴士站位於良烏，無論你的酒店係良烏／OldBagan／NewBagan都需要搭的士！ 睇過唔少Blog話 司機會蜂擁而上，果然冇錯 但係睇得出佢哋係一個團隊！一開始個個都獅子開大口，18000Kyats 15分鐘路程！最後講到10000Kyats 成交，最初用9000 還價嘅我失敗。*** 3）蒲甘 － 仰光 巴士公司：JJ Express 價錢: USD12 (HKD$100)-Premium Class (2+2) 時間：2030pm-0445am (21/11/2019) 車程：8.15Hr 休息站：2個 （停留30分鐘） 市中心－巴士站 交通：JJ Express Shuttle (Free) 搭夜巴係訂票嘅時候可以揀埋 免費酒店接送！ ***蒲甘嘅乘務員同司機 嘅服務 都比仰光差好多！如果仰光我比8／10，蒲甘我會比4／10！首先乘務員叫乘客落車的態度非常差，唔講以為自己係偷渡客！仰光個程的車速好平穩安全，蒲甘呢程車速超快 不斷感受到離心力，而且多次逆線而行 超急停！差不多到達仰光的時候 又一次逆線而行，今次差一點點同對頭車相撞！***
