一共十日 ，只用陸路踏足緬甸3大城市超過20個寺廟！說真的，呢趟緬甸之旅有夠瘋狂－ 「BNO入境險被遞解返港」「亡命逆線夜巴」 「敏貢河船失蹤流落荒島」「蒲甘爬四層高佛塔睇熱氣球日出」「開天殺價包車上大金石」「50人豬籠皮卡車上山」！返嚟香港一日後，而家回想起好似一場夢，但係一場超冒險嘅夢，好開心係廿幾歲嘅我完成到呢個旅程！ 去緬甸如果唔係跟團，一定一定要做足功課！呢次Plan行程真係唔簡單 雖然去緬甸旅遊唔係新鮮事，但自由行嘅人真係唔多，大部分都係靠睇台灣人的Blog 同外國Backpacker的Vlog！ 機票篇 早係大半年前已經決定好2019年11月去緬甸，由於UO 的航線取消 所以係『香港－仰光』 只係有幾間2／3間航空公司揀！ 包括國泰／緬甸國家航空／AirAsia，本來揀好國泰但係9月中由$2850加$4200,由於預算有限 所以最後大膽揀選「緬甸國家航空」。經永安網上買每人$2435， 時間就真係唔多靚仔，勝在係價錢相宜！ 突發：「出發前一星期取消航班」 呢趟旅程未開始都一波三折，第一彈就係嚇到我震嘅「取消航班」，而且係出發一星期前 ！當時已經訂好曬酒店巴士飛（Non Refundable）嘅我，睇到個Message 又驚又嬲！因為緬甸航空並不是「天天出發」，只有星期三五六日，唯一好彩嘅係本身星期六出發可以改早一日！而且仰光酒店唔貴，每晚$600 (人均300）總比加錢買過機票抵！ 雖然係Full Cost Airline （包30KG行李／餐飲／機上設備 等），但相信因為香港航線始終係新開 所以CheckIn 櫃位係T2， 而登記閘口都係同UO 一樣係201－206 區！ 「機組人員」 由於係國航，所以全體機組人員都係緬甸人，飛機亦係當日TurnOver，空姐著傳統緬甸服飾「籠基－Longyi」！空姐們嘅英語對答冇問題，不過今時今日嘅服務態度認真麻麻HAHA，而且佢哋一視同仁 對住外國客都一樣西面：），都係體驗嘅一種！ 「坐位尚算舒適，整潔度麻麻」 如果要比分，我會咁比： 舒適度 3／5 整潔度 2.5 ／5 機種用Boeing747，只有Business 同 Econ Class，不過上機後無故增加咗頭5行做Premium Econ，有唔少乘客自己調位，空姐呢個時候就使出招數 「麻煩 7USD」！唔執輸嘅港人只好乖乖坐番原位！講返座位，全湖水綠嘅座椅 都算舒適！但萬萬都估唔到，無電視呀～～～ 三個鐘機程雖然唔算多，但都夠睇套戲！ 「機上餐飲」 去程食飯麵，都係正常飛機餐嘅味道，好少見有魚 味道不錯 係炸魚塊配豉椒汁！回程嘅早餐真係嚇死人，隔離嘅菲律濱姐姐都頂吾住，蛋糕好濕 但有酸酸地嘅味道，有蝦嘅麵 炒得超油又稔！記得買定／食定早餐上機！
