[本身想食牛涮鍋，但實在太多人，等左1.5鐘仲未有位，決定去渝痴漁醉。上到去等左5分鐘就有位，諗好左食雞煲半隻，加寬粉同蝦，可惜蝦賣哂。為有等下次。因為等左好耐太餓的關係，叫左個麻辣拌冷麵，要左bb辣 重慶雞絲涼麵 $58 評分7/10 第1個上的是冷麵，大大碟，同我lunch過黎食ge份量差不多。 男朋友未食過，佢覺得幾好食，麵質彈牙，雖然只係bb辣但都愈食愈辣。光速地比我地食哂。 惹味麻辣雞煲 （半份）$168 評分8.5/10 等左30分鐘，雞煲終於上枱。唔記得叫走茜，唔食芫茜ge朋友記得事前叫定，因為真係好多。雞煲都叫左bb辣，上枱等左5分鐘就滾了，食得！見到都有好多乾辣椒 ＋ 燈籠椒，其實個傷口未埋都應該介下口，完全無理會過!!一啖又一啖咁食。 入面有d豆卜，吸哂湯底d汁，麻麻辣辣。最欣賞佢個雞煲不太油，加左2次湯我地。都無沖得太淡個味。 我地都加左寬粉，土豆片，芝士腸。 寬粉同土豆都好快熟，勁入味，喜歡食辣ge朋友必定要叫。 芝士腸 $36 評分8/10 芝士腸都有d唔同，唔係平日食開個種，比較長身，入面ge芝士都好足料。每次黎都必叫，份量十足有八條 必定夠飽 提提大家，成為會員可以免費送麻辣木耳一碟。 餐廳仲會送飯後甜點，桂花蜜糖涼粉! 比你解辣，令你口腔換然一新 夠貼心! 點擊圖片放大
