平時一個人去梨大，冇留意周圍有乜嘢好食 今次同朋友一齊去梨大，朋友就帶左我去食海鮮湯鍋 每次同朋友一齊就係食，食，食⋯ 位於梨大5號出口，步行約5分鐘即達 店內有識講國語嘅阿珠媽，所以唔使驚唔識叫嘢食 由於有朋友唔食得辣，所以我哋五個人就叫咗一個唔辣嘅海鮮湯鍋（中）46000krw，炒豬肉8000krw，水冷麵7000krw，海鮮湯鍋如果唔食辣嘅記得同店員講唔要辣，如果冇講就即係要辣嘅海鮮湯鍋 海鮮湯鍋內有一隻大魷魚，蜆，青口，鮑魚，蝦，蟹，大量芽菜，紅薯粉，大蔥，仲有就係魚嘅精囊⋯ 聽到魚精囊係咪好驚呢，其實佢係冇味嘅，所以唔使驚，當佢係普通嘅內臟就得，其實我覺得幾好味XD 成日覺得出面天氣咁凍仲點食冷麵，呢排天氣開始暖終於可以有機會食，啲麵好彈，個湯都幾好味 呢個辣炒豬肉都幾好味，係超微辣 其他小菜就係送嘅，一坐低就會俾你，個蔥煎餅好似酒樓嗰啲薄餅嘅味，都幾好食 總括嚟講呢間海鮮湯鍋，炒豬肉，水冷麵都係好味嘅！值得一試 另外仲有炖安康魚/安康魚湯鍋，花蟹鍋/花蟹湯鍋 落單嘅時候記得講明要炖鍋定係湯鍋，辣定係唔辣，冇講唔辣嘅就會當你係叫辣㗎啦 밀리네 해물탕 地址：서울특별시 마포구 대흥로30길 18-5 營業時間：每日 11:00 - 23:00 休日：農曆新年及中秋
