炎熱嘅夏天，大家總會去嘅地方就係沙灘！去沙灘玩除咗要對防曬、熱身做好準備之外！我諗大家去沙灘玩嘅時間，除咗食零食、飲汽水、飲啤酒之外..都唔會一個豐富又真係食得飽肚既午餐！如果大家準備午餐去沙灘，大家就要小心啦！！因為天氣炎熱食物會就容易變壞，所以準備凍嘅嘢食就方便得多！只需要準備一個真係保存到凍嘅冰袋，同埋放多啲冰落去！因為天氣熱啲冰就會慢慢溶化，所以放多好過放少啊！ 依家就教大家做一個好方便帶出去戶外活動又涼快嘅食物！！當然呢一樣食物唔係我發明出嚟啦！分量大概四至五人！首先主要嘅食物就係買一包通粉，大家鍾意咩形狀就買咩形狀呢，不過建議嘅就係唔好買長條型嘅通粉，因為食起嚟會冇咁方便！之後就係配料啦！其實配料都係睇下大家鍾意食咩！ 配料可以有青瓜、蟹柳、熟蛋、雞胸肉、火腿、煙鴨胸、煙肉...都可以！不過配料用五款就好足夠！因為今次有男士在場，所以就選擇左用雞胸肉！可能我覺得男士一定要有肉落肚先可以飽啦！仲有一個小貼士，就係如果落咗熟蛋就記得唔好放太耐或一定要好好保存！如果唔係心機就會白費了！同埋最後要準備即係沙律醬一支！ 製作步驟（一）要煲一煲滾水，記得通粉要係滾水嘅時候落，記得要不停地搞，如果唔係就會癡底啦！當啲通粉浮晒喺面嘅時候，就可以落啲鹽調一調味！煮好通粉之後，就可以攞凍水沖一沖，然後加冰放入雪櫃！ 製作步驟（二）將所有配料煮熟，然後切條就可以啦！ 製作步驟（三）記得搵個大啲嘅盤！將所有材料逐步逐步放落盆度，一路加沙律醬一路放準備好嘅材料，不停搞！每條通粉都有沙律醬嘅時候，就可以放入雪櫃！咁就完成啦！ 準備埋冰凍涼透心既西瓜！就Very Good啦！大人小朋友又岩食，不過記得食飽飽之後一定要休息休息之後先好再下水！保重身體有如孝順父母呀！ 以上都係我個人意見。。如果大家想睇多D我既野可以上--> http://mcsylife.blogspot.hk/ https://m.facebook.com/magnetic.mcsy https://www.instagram.com/magnetic.mcsy/ https://blog.ulifestyle.com.hk/blogger/mcsylife/
