自從燒肉放題食過和牛之後，我就對和牛情有獨鍾。 網上見到呢間餐廳主打和牛，價錢中上，但都可接受，就同牛迷男友一齊去試下。 餐廳隱藏於酒店內的一樓，位置不算易找。餐廳格局不太有日本風，反而接受港式餐廳風格。幸好座位寬敞，吃得舒適。 餐廳圖文並茂，不過有些菜式的圖片跟實物似乎有點出入。點都好，嚟到呢度，點都要食牛嘅。唔只係牛，仲要食和牛！ 餐廳名「雪花和牛刺身專門店」，咁和牛一定係必食啦！從未試過生食和牛嘅我，就獻上第一次喇！平時牛扒要食5成熟的我，食和牛刺身絕對係一大挑戰！ 和牛刺身 $368 和牛刺身用冰鎮住，每碟有6-7大片，顏色粉紅，而且雪花紋理清晰，分佈均勻。伴隨著柚子醬油。 想不到，和牛刺身沒有半點腥味，反而入口帶著油脂香氣，牛肉入口即溶，牛味亦慢慢滲至口腔的每個角落，濃而不膩。 之後，我便嘗試蘸上柚子醬油一起吃，醬油微酸，這樣更提升牛肉的味道層次。想不到，和牛這樣吃也不比燒肉遜色，實在令人驚喜。 另外，我又點了我喜歡吃的了鰻魚飯，還點了一個和牛腩蕃茄湯烏冬給男朋友。 蒲燒鰻魚飯 $108 蒲燒鰻魚飯用便當盒上檯，睇到個樣已經覺得好吸引！鰻魚一大條，有成隻手掌咁長咁大。鰻魚燒得色澤金黃，令人垂涎。飯入面有燒汁，不過唔係好多，啱啱夠撈飯食。鰻魚口感軟滑，食起嚟入口即溶，喺香港嚟講，都算高分！ 和牛腩蕃茄湯烏冬 $168 賣相都幾吸引，不過份量略嫌較少。蕃茄湯好濃稠，足料，絕不是用茄汁或茄膏所製，酸甜恰到好處。 和牛腩，切得一粒粒正方體般的，較平時吃的和牛粒大粒，軟身且入口即融，油脂滿佈口腔，還有半隻溏心蛋，大滿足。 如果價錢可以調整一下，多加宣傳，相信會吸引更多愛牛食客！ 搵食點：雪花和牛刺身專門店 搵食方向：尖沙咀寶勒巷18號香港粵海酒店1樓 ======================================================== 多謝你閱讀我的文章！Facebook Page上有最新最快的 Updates，記得Like 同 Follow 喇 ^.^！ Facebook Page Instagram Website: http://bit.ly/1QYFQCN *Contact Me: mavis.eatndine@gmail.com
