嚟到差不多行程尾聲, 我地去埋【濱海灣花園】同埋【夜間動物園】~ 【濱海灣花園 Garden by the Bay】 於2012年落成 ,位於新加坡濱海灣中央的公園。 當初設立呢個公園嘅目的, 係新加坡政府希望能將新加坡變成一座在花園裡建立的城市。 因此,公園內有兩座知名的植物冷室, 名為「花穹」和「霧林」,模擬不同的氣候。 另外,公園亦有數棵「天空樹」,令人好似走進了亞凡達世界咁。 由於我地住喺金沙酒店, 所以安排咗夜晚行去隔離公園影夜景! 加上我地適逄聖誕節去, 成個公園都有聖誕燈飾~好靚❤❤❤ 著咗燈嘅「天空樹」。 樹與樹之間其實有一條行人步道, 可以供遊人行上去近距離欣賞「天空樹」。 不過可能我地實在太夜去喇~ 步道已經關閉,我地就冇得上去睇下lu ><" 【夜間動物園 Night Safari】 最後一日,我地去咗離市中心較遠嘅【夜間動物園】。 溫馨提示: 新加坡嘅夜間野生動物園並唔係將新加坡動物園,區分成白天和晚上版。 【夜間動物園】vs 【新加坡動物園】其實係2個完全唔同嘅地方! 入面嘅動物種類及玩法都完全唔同~大家唔好搞錯呀! 在新加坡共有四個動物園, 分別是【新加坡動物園】、【夜間動物園】、 【河川生態動物園】及【裕廊飛禽動物園】。 每個都是獨立園區,主題不同,門票也是分開的。 有唔少遊客會選擇去幾個動物園, 或者喺園區附近住一晚~ 不過,由於我地未去過夜間動物園, 加上一下子睇咁多動物,我地都麻麻地!哈哈... 所以今次揀咗去夜間動物園。 下圖就係動物園門口,裡面因為太黑,就冇咩影相喇~ 一入園可以就返時間睇「火舞Show」, 真人噴火演出,好似睇緊吳剛師父歡樂滿東華表演咁 XD 因為好近,同埋觀眾真係feel到d 火嘅熱力!印象好深刻! 之後可以搭「遊園車」,近距離睇動物~ 獅子、老虎、大象,全部有得睇! 由於入夜都真係幾黑,架車又冇門/窗, 基本上一伸手就掂到d動物, 加上又唔知架車會沿途兜去邊度, 都幾有探險feel~好難忘!