古語有云《係日本就算飲啖水都零舍唔同》，相信大家都好掛住日本了，Mattmatt都點會例外呢😐不過基於疫情下，我哋都只能依靠着照片回憶依稀的片段，今日，就等我推介下我喺日本飲過又覺得好飲嘅飲品俾大家，等疫情過後大家可以即刻去狂飲慶祝🍻首先，我係一個好鍾意飲咖啡嘅人，但係就唔係好鍾意入邊有奶囉，但係入到便利店，真係好難免會比林林總總嘅咖啡吸引到，尤其係Starbucks系列，於是我懷着呀Q精神，試咗接近10款（每日一款），最後得出結論就係黃色呢一款，佢係以Expresso為基本，再加上不太甜的口味，適合一啲唔想飲齋啡但係又唔想肥嘅人，配合係咁多款之中最好而且最唔甜最唔奶嘅第二款推介嘅就係黑咖啡，日本一般都係採用深烘焙嘅咖啡豆，呢一支當然都係，不過一開蓋佢嘅香氣比較出，飲落去不會只得苦澀味，而係帶出咗樽裝咖啡少有嘅Nutty味，280yen飲呢支咖啡，已經好過好多大型連鎖店嘅Americano對唔住！又係咖啡，但係呢款都真係要飲，佢亦成為咗我每一次嚟日本都一定要飲嘅item,果仁味濃，但係唔會遮蓋左咖啡味，甜度亦適中，口感夠滑，對我來講係不得了！呢個奶真係難搵少少，要喺阿蘇先至會有，佢勝在夠新鮮，夠滑，同埋飲用前都會以溫泉水浸住士多啤梨控必試，基本上飲完之後成口都係士多啤梨味，只係溝咗牛奶，令到一堆士多啤梨有滑咗少少嘅感覺Lipton嘅檸檬茶系列都係我每次去日本必飲嘅item，雖然香港都有得賣，但係就冇盒裝，要日本先有，同玻璃樽可樂嘅概念一樣，喺個盒到硬係覺得好飲啲，基本上佢邊一款咩都係正，唔會太甜，感覺又好清新，記得千祈唔好比我呢幅圖局限左你嘅行為，只要見到盒裝，咩款都係好飲嘅最後推介嘅係呢個周街汽水機都會撳到出嚟嘅龍蝦湯，因為我去日本嗰陣時仲係冬天，你可以想像到好凍嘅天氣下，飲到一個䁔笠笠嘅龍蝦湯係幾有Feel,而且呢一款龍蝦湯龍蝦味非常濃郁，雖然我知道一定唔會，但係個感覺就係用咗好多龍蝦肉去攪拌而成咁，成件事都幾痴線，真心好高評分
