又係轉季既日子啦！我既皮膚問題就即刻湧現啦 皮膚缺水係最嚴重既問題，就算我做幾多保濕功夫都好啦，化妝上親粉底，個鼻頭都會甩皮...唉...試過好多唔同品牌既粉底都改善唔到呢個情況~唔知各位有冇呢個煩惱...老實講，其實都幾灰架... 但今個冬天竟然俾我遇到shu uemura lightbulb白瓷光感粉底液！真心講，我用左shu uemura lightbulb白瓷光感粉底液黎化我個底妝，真係完全冇甩皮既情況，而且睇落皮膚仲好似好好咁！！！嘻嘻~搞到我好鬼開心呢隻粉底個保濕度真係做得好好~就算一整日冇補妝，我都唔覺得皮膚俾粉底焗住咁～ 點擊圖片放大 其實係試用之前，曾經有朋友講過呢隻粉底會令到膚色好暗啞，但原來真係要親身試過先知適唔適合自己架！shu uemura lightbulb白瓷光感粉底液有14個色調，本身我既膚色係偏黃偏暗啞(so sad :cry: )所以我今次揀左774 light beige，其實對我黎講係比較偏白架，不過我就係唔想用返自己本身個隻色。偏白少少既粉底液反而會令我睇落更精神！ :blush: shu uemura lightbulb白瓷光感粉底液 774 light beige 每次用之前，記得搖一搖先呀！ 正面素顏照真係唔敢擺上網，自知太嚇人所以都係側面算啦！但都已經見到我有嚴重黑眼圈，同超爆擦既咀唇講返正題，今次我用左 lightbulb化妝綿上粉底液，睇佢外型成個葫蘆咁(不如叫佢葫蘆綿啦!!! :-P )，但係呢個葫蘆綿真係超級柔軟同好好推，可以好快捷同好輕易咁就推勻成塊面啦！基本上揼一下枝粉底就夠晒成塊面用啦！首先用葫蘆綿最肥個個位將粉底液係面上向外推，咁就遮到毛孔架啦！ 之後再用葫蘆綿尖尖既位將粉底液推勻面上既微細位，例如眼底、鼻翼同咀邊等～ 上好粉底啦！係咪同化緊個陣好唔同呢？不過底妝未完成架～等我遮瑕、畫眉同上返胭脂先！ 搞掂啦！呢個就係我平時返工個look啦！感覺好精神呢～摸下塊面仲覺得好滑呢！ :inlove: :inlove: 當然去街既話會搞搞個眼妝啦～相信各位sis都留意到我有內雙到單既眼皮問題啦....(又要sad過 :cry:)...不過呢~我已經搵到個方法可以令自己做到自然既雙眼皮啦！！遲下再出文同大家分享下啦！！ 「受邀於U Beauty 及 shu uemura試用此產品」，希望各位鍾意我以上既分享啦！如果想了解更多shu uemura lightbulb白瓷光感粉底液粉底液，大家可以到品牌專櫃查詢架！ My Blog: https://blog.ulifestyle.com.hk/blogger/manyee/ / http://manyee.theztyle.com / http://blog.qooza.hk/ManyeeChiu
