劉詩詩出嫁妝容 仙氣美女的秘密 尋日提起劉詩詩嘅Big Day好夢幻，令我回想返自己出嫁嘅情景，我諗每個女人都總會特別著緊呢一日，話哂一生中只得一次機會，當然想個日明艷照人，唔會有任何出錯啦。 由被求婚到結婚，我同老公差唔多有2年時間可以plan下個wedding，時間相比起其他人都算多，但身位當事人嘅我總係覺得時間唔夠，好多想法去令wedding更加完美，由搵場地、婚介、婚紗、裙褂、試妝、佈置等……樣樣都好頭痛，但諗返起其實都值得嘅。 除咗以上提到嘅濕星事，我當然想Big Day當日係最最最靚啦，好彩遇到一位好好嘅化妝師Maggie，佢好知我心意，好易就化到滿意嘅新娘妝 ~ 睇返劉詩詩出嫁嘅相，用色唔多，素素嘅感覺反而更加突出到佢氣質，原來佢同Angelababy出嫁一樣，都係用咗Lancome嘅Makeup，起春楠老師巧手之下，就打造到令人眼前一亮嘅妝容，佢嘅唇色真係好靚，愈睇愈有味道，搞到我都想買返支唇膏玩下呀。 來源：QOOZA http://www.qooza.hk/article.php?cat=beauty&id=2405
