大日子化妝當然唔會由我自己嚟化妝，但講到化妝掃我真係太喜歡～～～ 完全係一個不折不扣嘅化妝掃控！！因為我認真一支好嘅化妝掃，係可以化出完美、整齊、乾淨俐落嘅妝容 講真由十幾蚊至幾百蚊嘅化妝掃我都買過用過，最令我驚喜而愛鍚嘅係呢幾支Real Techniques makeup brushes，相信都有好多人已經試過！ 但我都決定要講一講，因為實在太好用，同埋我有好多化妝師朋友都係用佢 (由上至下) Powder brush, Blush brush, Expert face brush, Setting brush 除左外型夠chic之外，佢個型態都係經特別design，所以我個人認為特別好揸，完全fit哂手掌形狀 好，等我以下落黎介紹一下先！ Powder brush（大碎粉掃）： 特點係毛量多且非常密集、抓粉力強（至少比我曾經買過嘅AVA LIU多好多...） 而且能將碎粉或碎粉餅均勻掃上面上，唔會一撻撻 Blush brush（胭脂掃） 毛量比碎粉掃少而疏，但就係因為呢個特別嘅設計 先能夠令胭脂或陰影粉均勻掃上，唔會形成一個個圈圈（最驚就係見到紙紮公仔...） Expert face brush（多用途圓頭掃） 呢個絕對係我第一摯愛！！！！因為佢實在太好用！！！ 任何液體狀如foundation、concealor、liquid blush都能夠勁貼服地上面，係因為掃頭既毛係非常非常密而短小，係唔！會！有！掃！痕！呢個係非常之重要！ 皆因我用過好多粉底掃質素唔好，係會留粉痕響面上，跟住又係浪費多d時間再將粉底blend番開，成件事好fail。 Setting brush（定妝掃） 最後呢位老么雖然唔算得上我既to-love-list，但唔代表佢唔好～ 佢掃頭尖尖，可以做到好detailed既遮瑕或重點定妝工作，今日出街前試過用佢黎配BB cream上面當遮瑕好+重點定妝 估唔到效果又係出奇地好！而且一整日都唔洗補妝，讚！細細支仲可以帶出街補妝一流 整體評價係有咁嘅價錢質量好，毛量極多又夠大，毛質滑而不感覺尼龍就不在話下，而且抓粉力真係好唔錯，掃上面非常舒服，輕易上粉而又唔會取過量粉量，讚！ 我平日都有睇開Pixiwoo既channel學下佢地點樣用自家掃化妝，專業化妝師手勢同我地化妝係有好大分別，學下冇壞架！ （話時話佢地又出左新掃，好想繼續買落去....） P.S. 睇到外國Youtuber嘅吹乾化妝掃大法！ 好work之餘又唔怕個掃型會變:D 非常good!!
